Skip to main content

Akileraarutinut akiliisinneqartartut ikileriarujussuarsimasut

Kalaallit Nunaanni suliffeqarfiit akileraarutinut akiliisinneqarsimasut 2015-imi 153-iusimariarlutik 2019-imi 37-iinnanngorsimapput. Tamanna Nunatta Karsiata 2019-imu naatorsuutaani takuneqarsinnaavoq.

Akileraartarnermut Aqutsisoqarfik 2015-imi nuna tamakkerlugu suliffeqarfinnik misissueqqissaarsimavoq, tassani paasiniarlugu suliffeqarfiit piffissaagallartillugu akileraarutinut A-nut akiliuteqartarnersut aamma Suliffeqarnermut akitsuummik akiliuteqarsimanersut.

Misissueqqissaarsimanerup malitsigisaanik suliffeqarfiit 153-it inullu ataaseq akileraarutinut katillugit 5.727.000 koruuninik akiliisinneqarsimapput. Siorna suliffeqarfiit 37-t inuillu tallimat akileraarutinut 467.000 koruuninik akiliisinneqarsimallutik.

Pissarsiffik: Nunatta Karsiata Naatsorsuutai

- Akileraartarnermut Aqutsisoqarfik ukiut tamaasa sulisitsisunik misissuinissamik ukkatarinnittarpoq, aamma sulisitsisutut akileraarutinut tunngatillugit pisussaaffinnik eqqumaffiginnittoqartarnersoq misissuisarpoq, Akileraartarnermut Aqutsisoqarfimmi pisortaaneq Kim Neumanna Nielsen Sermitsiaq.AG-mut oqarpoq.

Taassuma akiligassiisarnerit ikileriajussuarsimannerannut ilanngullugu nassuiaatigaa:

- Isumaqarpugut, sulisitsisorpassuit piffissap ingerlanerani sulisumik akileraarutinut A-nut akiliisinneqarnissaannik isumaginnittannginnerup kinguneqartittarnerat ilisimaarilersimagaat. Taamaammat tamatuma malitsigisaanik akileraarutinut akiliisitsisarnerit ikiliartorneri malugisinnaavarput, Kim Neumann Nielsen oqarpoq.

Akileraartarnermut Aqutsisoqarfimmi pisortap ilisimatitsissutigaa, "nakkutilliisarnermi pingaaruteqartoq sulisitsisut ataatsimeeqatigineqartarneri, tassani malittarisassat qanoq paasineqassanersut qanorlu malinneqassanersut oqaloqatigiilluartoqartarmat”.

Corona ukioq manna nakkutilliinissamut akornutaasimasoq

Kim Neumann Nielsen ilanngullugu ilisimatitsissutigaa, ukioq manna nakkutilliiniarnermut Covid-19 akornutaasimasoq.

- Tamatumunnga peqatigitillugu oqaatigisariaqarparput, Covid-19-imut atatillugu killilersuinerit tamatuma (naapeqatigiilluni ataatsimeeqatigiittarneq) 2020-mi ingerlanneqarnissaanut unammillernartoqartitsimmata, akileraartarnermut aqutsisoqarfimmi pisortaq ilisimatitsivoq.

Kim Neumann Nielsenip inuit ataasiakkaat pillugit akileraarutinut tunngatillugit suliaqarfigineqartarnerisa qanoq amerlatigisarnerat erseqqissumik oqaatigiuminaatsippaa, ”ukiut tamaasa suliat akileraarutinut akiliisitsinermik nassataqartartut killeqartarnerat pissutigalugu”, taanna nassuiaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER