Akileraartartut isertitaqarnerpaat soraarnerussutisiassanut akiitsoqarnerpaasut

Akileraartartut isertitaqqortuut soraarnerussutisiaqarnissamut ileqqaagaqarnissaq pillugu malittarisassanik nutaanik 2018-imi malinnissimanngillat

Naatsorsueqqissaartarfiup Akileraartarnermut Aqutsisoqarfik sinnerlugu kisitsisitigut paasissutissanik immikkut suliaqarsimanerata takutippaa, isertitaqqortunerpaat tassaasut ileqqaartussaatitaanermut akiitsoqarnerpaasut.

Inuit 2018-imi 400.000 koruunit sinnerlugit isertitaqarsimasut 30 procentii sinnerlugit soraarnerussutisiaqarnissamut piffissaagallartillugu akiliuteqarsimanngillat.

-Nalunaarsuiffimmi qulaaniittut nalinginnaasumik, eqqoqqissaanngitsumilli isertitat agguarnerat takussutinngorsinnaavaa, Vittus Qujaukitsoq Partii Naleqqami politikkerimut akissuteqarnermini erseqqissaavoq.

Akileraartarnermut Aqutsisoqarfiup soraarnerussutisiassanut ileqqaagassat akilerneqanngitsut ulloq 4. decembari 2019-imi 71 mio. kr. missaaniittut naatsorsorpaa.

Kingusinnerusukkut paasinarsivoq kisitsisit kukkusuusut taamalu appasinnerutillugit saqqummiunneqarsimasut, tassa nalunaarutigineqartut IT-kkullu atortut kukkuneqarmata.

Naammagittarnissaq

Akileraartarnermut Aqutsisoqarfiup ukioq manna oktoberip novemberilluunniit ingerlaneranni aningasat qasserpiaat pineqarnersut aatsaat takusinnaalissavai, Vittus Qujaukitsoq ilisimatitsivoq.

Naalakkersuisut aaqqissuussaq akileraarutitigut qaffaanikkut tulluarsarneqarsinnaanersoq nalilersuleruttorpaat.

Powered by Labrador CMS