Skip to main content

Akileraartartoq nuannaartoq: Qaammatini 22-ni unammineq kiisami naammassivoq

David Løvstrøm, aningaaserivimmi uninngasuutini 155.000 koruuninik amerlaneruluersimasut nuannaarluni sapaatip-akunnera naanersiorsinnaavaa. Aningaasat, Akileraartarnermut Aqutsisoqarfimmiit qaammatini 22-ni tunngavissaqanngitsumik ilanngaatigineqartarsimasut

Isumatsanneq

Suliffeqarfimmi ukiumut taamaallaat 12.000 - 15.000 koruuninik isertitaqartarpoq, kukkunerullu aaqqitsinniarnerani David Løvstrøm isumatsaqqanera annertusiartuinnarsimavoq.

Taanna Sermitsiaq.AG-mut paasissutissiivoq, Akileraartarnermut Aqutsisoqarfimmut arlaleriarluni saaffiginnittarsimangaluarnini akissuteqarfigineqartarsimanngitsut, oqartussallu tusaalersinniarlugit tusagassiuuteqarfiit ilannguttariaqalersimallugit.

Aamma atuaruk: Akileraartartoq Akileraartarnermut Aqutsisoqarfimmit aningaasanik tigooraaffigineqartoq

Suliarlu atuarneqaannarani allaaserisap oqaaseqartarfittaani ikinngitsunik oqaaseqarfigineqaqattaarpoq. Aningaasaqarnermut Akileraartarnermullu Naalakkersuisoqarfiup Akileraartarnermut Aqutsisoqarfik nalunaarusiornissaanik piumasaqarpoq.

Tupinnartoq

- Arlaleriarlunga Akileraartarnermut Aqutsisoqarfimmut saaffiginnittaraluarluni akissuteqarfigineqartannginneq ilitsersuunneqartannginnerlu, tusagassiuutitigut saqqummerama aatsaat suliarineqalernera, tupinnaqaaq, David Løvstrøm oqarpoq.

Aamma atuaruk: Akileraartartoq isumatsaqqasoq neriuutissaqartoq

- Sermitsiaq.AG-eqarallartillugu suliaq naammassitippara. Piumassuserinngisaminillu Akileraartarnermut Aqutsisoqarfiup "ikiuunneratigut" amerlasuunik sipaagaqalersimalluni, David Løvstrøm nuannaaqaluni suliap kiisami naammassineqarnera pillugu, oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER