Skip to main content

Akileraartartoq isumatsaqqasoq neriuutissaqartoq

Qaammatini 21-ni akileraartarnermut oqartussat suliami tungaannit nipangersimaneq taamaatinnialerpasippoq, tamanna upalungaarsimanermup pisortap tullianut, David Løvstrømimut Aasianneersumut isumatsannarsimavoq.

Sermitsiaq.AG-p marlunngunngornermi David Løvstrømip suliaa akileraartarnermut tunngasoq oqaluttuaraa, tamanna naatsumik oqaatigalugu pisussaanngitsumik akileraartinneqartarsimagunarpoq.

140.000 koruunit sinnerlugit akiliisoq
Taanna kisimiilluni namminersortuuvoq, ukiumut 10.000-niit 15.000-it tungaanut isertitaqartarluni. Akileraartarnermut Aqutsisoqarfimmit isertitassat missiliornerini 400.000 koruuninngorlugit kukkusoqarsimagunarpoq, taamatumalu kingunerisaanik David Løvstrøm ukiuni marlunni kingullerni 140.000 koruuninik akileraarpallaarsimagunarpoq.

Kukkussutaasoq aaqqinneqarniassammat, mailikkut Akileraartarnermut Aqutsisoqarfimmut nassiussisaraluarluni David Løvstrøm akineqarneq ajorami isumatsaqqavoq.

Nassuiaateqarnissamut piumasaqartut
David Løvstømip qanoq pineqarsimaneranik oqaluttuaq, Akileraartarnermut aamma Aningaasaqarnermut Naalakkersuisoqarfiup tupigusuutigaa. Taamaammat naalakkersuisoqarfiup Akileraartarnermut Aqutsisoqarfik nassuiaateqarnissaanik piumasaqarsimavoq, Sermitsiaq.AG taama tusagaqarpoq.

Akileraartarnermut Aqutsisoqarfik marlunngornermi naalakkersuisoqarfimmit saaffigineqarpoq, suliallu misissorluarnissaanut suli piffissaqarsimanngilaq. Akileraartarnermut Aqutsisoqarfimmi pisortaaneq, Kim Neumann Nielsen, pingasunngornermi pissarsiassaanngilaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER