Akileraartarnermut Aqutsisoqarfik nammineerluni nalunaarsugassamik immikkoortumik nassiussisoq

Akileraartarnermut Aqutsisoqarfimmit innuttaasut immikkut ittumik nunani allani soraarnerussutisiaqarnissamut aaqqissuussanut ilaasut qinnuigineqarput, e-boksiminnik misissueqqullugit, nammineerluni nalunaarsugassaq eqqortumik immersorneqarniassammatt.

Soraarnerussutisiaqarnissamut aaqqissuussinernut inuunermullu sillimmasiissutinut Danmarkimiittunut nunanilu allaniittunut aningaasaliissutinnit iluanaarutitit innuttaasutut nammineerluni nalunaarsuinermi nalunaarsorneqartussaapput, Akileraartarnermut Aqutisoqarfimmit paasissutissat pineqartut ingerlaannartumik pissarsiarineqarsinnaanngimmata.

- Inuunermut sillimmasiissutinnit soraarnerussutisiaqarnissamulluunniit aaqqissuussannit
iluanaaruteqaruit taakku 15,3 %-iat akileraarutigissavat. Soraarnerussutisiaqarnissamut
aaqqissuussannit iluanaarutissaagaluaq annaasaappat taanna aaqqissuussinermi
tassanerpiaq ukiuni qulini tulliuttuni iluanaarutinit ilanngaatigisinnaavat, Akileraartarnermut Aqutsisoqarfik tusagassiorfinnut nalunaaruteqarluni ilisimatitsivoq.

Risikoen

Innuttaasut Sisa, Grønlandsbanken BankNordikiluunniit aqqutigalugit soraarnerussutisiaqarnissamut aaqqissuussaqartu iliuuseqartariaqanngillat, Akileraartarnermut Aqutsisoqarfimmit nammineerluni nalunaarsukkami aningaasat nalunaarutineqartut ingerlaannartumik pissarsiarineqartarmata.

Danmarkimi nunaniluunniit allani soraarnerussutisiaqarnissamut aaqqissuussamut ilaallutit iliuuseqanngikkuit, akileraarutinut akiliivallaarlutilluunniit akiliutikippallaarsinnaavutit, Akileraartarnermut Aqutsisoqarfik erseqqissaavoq. Kingusinnerpaamik maajip aallaqqaataani nalunaarsugaq tunniunneqartussaavoq.