Akileraarneq: Sianerfissat ullumi ammarneqassapput
Utoqqalinersiat pillugit akileraarnermut ajornartorsiuteqartoqarnera pissutaalluni Akileraartarnermut Aqutsisoqarfik sianerfissamik ammaassaaq ullumi pingasunngornermi
Annonce
Aningaasaqarnermut naalakkersuisup Vittus Qujaukitsup sapaatip akunnerata siuliani neriorsuutigaa sianerfissaq tallimanngormat ammarneqariissasoq.
Maannali suli sianerfissaq ammarneqanngilaq, sianerfissarli maanna misilittarneqartoq pisortap Kim Neumann Nielsenip Sermitsiaq.AG-mut oqaatigaa.
Qassiussanersut nalunartoq
- Sianerfissaq ullumi ammarneqarnissaa naatsorsuutigaara, oqarpoq.
Sulisut qassit sianerfigineqarsinnaassanersut ilisimatitsissutigerusunngilaa.
- Innuttaasut skattekortitik tigugaangassuk decembarimi januaarimilu ulapittuarpugut, taamaammat nalunarallarpoq qassit sianissanersut, Kim Neumann Nielsen oqarpoq.