Skip to main content

Akikillisaanermik aaqqissuussaq iluatsitsilluarfiusoq

Disko Line bilitsinik akikikillisanik tuniniaanissamut tapiissutisimmat, tunisaqarnerulertoqarsimasoq ingerlatseqatigiiffik nalunaaruteqarpoq. Tamanna pisariaqartilluinnarneqarpoq, ingerlatseqatigiiffimmi siorna tunisarisimasamanit 45 procentit missaanik tunisakinnerusimammat, pisortaq oqaluttuarpoq. Air Greenland aqqutinut akisunerusunut aamma tunisaqarnerusimavoq.

Naalakkersuisut sapaatip akunnerani kingullermi angalanissamut ikiosiissutit saqqummiuppaat, ingerlatseqatigiiffiit arlallit Kalaallit Nunaanni angalanissamut akikillisaassutigisinnaasaat.

Kalaallit Nunaanni angallassisartut annerpaat ilaat marluk Disko Line Air Greenlandilu nalunaaruteqarput, coronamut akikillisaataasunik bilitsinik pisiaqarnissaq soqutigineqarluarsimasoq.

Disko Linemi pisortap Noëlle Simoudip nalunaarutigaa, angalanissanut tamarnut 35 procentimik akikilliliisoqarsinnaanngormat tunisaqarnerulersimallutik.

Neqeroorutit sapaatip akunnerani kingullermi pingasunngornikkut saqqummiunneqarput, sapaatillu akunnerata naanerani Disko Line siorna piffissap taamaalineranut sanilliullugu bilitsinik ikinnerulaanik tunisaqarsimavoq.

Tunisaqartarnera appariangaatsiarsimasoq

Iluatsitsiffiulluarsimasutut immaqa isikkoqanngikkaluartoq, pisortaq isumaqarpoq ajunngitsumik ingerlasoqarsimasoq.

Coronammi nalaani Disko Linep bilitsinik tunisaqartarnera 45 procentit missaannik annikillisimavoq.

- Assut nuannerpoq, inuit toqqissisimanerulaalersimallutik angalaqqilernerat, Noëlle Simoud Sermitsiaq.AG-mut oqarpoq.

Pisortap erseqqissaatigaa, Disko Line septemberip naaneranut neqeroorummik ingerlatsisussaammat, tapiissuteqarnissamik aaqqissuussap sunniutigisinnaasaannik naliliinissap suli siusippallaarnera.

Air Greenland: Qaanaaq, Upernavik Tasiilarlu tunisaqarfiulluarput

Air Greenland akerlianik piffissami killilimmi neqerooruteqarsimavoq. Timmisartuutileqatigiiffiup erseqqissumik ilisimatitsissutigisinnaanngilaa, neqerooruteqarnermut atatillugu bilitsinik qasserpianik tunisaqarsimanerluni.

Soqutigineqarsimaqaarli, pisortaq Jacob Nitter Sørensen Sermitsiaq.AG-mut ilisimatitsivoq:

- Air Greenlandimit Naalakkersuisut suliniutigisimasaat nuannaarutigeqaarput. Pingaartumik nuannerpoq Qaanaamut, Upernavimmut Tasiilamullu angalaniartunut tunisaqarluarsimanerput, pisortaq oqarpoq nangillunilu:

- Illoqarfiit taakku orninnissaannut bilitsit nalinginnaasumik qaffasissupilussuusarput, ilaatigut ungasinneri ilaasussallu ikittunnguusarneri pissutigalugit. Neqeroorulli manna aqqutigalugu amerlasuut nalinginnaasumik nunatsinni kulturimik pinngortitamillu misigisaqarsinnaasanngitsut imaluunniit ikinngutiminnut ilaqquttaminnullu tikeraarsinnaasanngitsut maanna periarfissaqalersimapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER