Skip to main content

Akiitsunut akilersuinerit unitsikkallarnissaannut aningaaseriviit piareersaapput

Grønlandsbanken BankNordikilu nalunaarput coronavirusip ajalusoortitsinera pissutigalugu, atuisut atukkaminnut akilersuinissaminnik unitsitsingallarnissaannut piareersimallutik.

Soqutigisaqaqatigiit suliniaqatigiiffiat Arctic Circle Business ataasinngormat ujartuivoq paasiniaalluni coronavirusip ajalusoortitsineranit eqqugaasussat, tassa suliffeqarfiit kaaviiaartitaqarunnaartut sulisullu akissarsiaqartinneqaratik angerlartinneqartussat aningaaseriviit qanoq ikiorsinnaaneraat.

Suliffeqarfiit atuisullu allat ajalusoornermit aninguilluarnissaat anguniarlugu aningaaseriviit piareersalereersimapput:

- Naatsorsuutigaarput atuisugut, pingaartumik neriniartarfiutillit takornarialerisullu eqqarsaatigalugit, coronavirusimit pinngitsooratik toqqaannanngikkaluamik eqqorneqareersimassasut. Piareersimavugut atuisutsinnit saaffigineqarnissatsinnut, oqaloqatigiinnissamullu qanoq pitsaanerpaamik qaangiisinnaanerannut, soorlu atorniarsimasanut akilersuutit unitsikkallarnissaannut, Grønlandsbankenip pisortaa Martin Kviesgaard Sermitsiaq.AG-mut allakkatigut akissuteqarpoq.

Pisortaq: Eqqissisaasinnaanerput neriuutigaarput

Banknordikimit nalunaarut aamma taamaappoq:

- Sullitavut pissutsinit tamakkunannga ilungersortitaalersut aningaasaqarnikkut qaangiilluarnerunissaannut ikiorumallugit arlalinnik suliniuteqarpugut​​​​​​, Banknordik nittartakkamini allappoq.

Banknordikip atuisut ataasiakkaat sullikkumavai, suliniutillu arlallit taallugit.

Soorlu illusinermi biilisinermilu taarsersugassat akilersornerisa kinguartinnissaat, atuisut qaammatinilu arfinilinni taarsersuutitaqanngitsunik taarsigassarsineq.

- eriuppugut suliniutivut sullitatsinnut eqqissiallatsitsisinnaassasut, piffimmi aggersumi imaassinnaammat sullitatta ilaat aningaasarsiaat appartut, soraarsitaasut, imaluunniit kaaviiaartitaat annikilleriartoq,Árni Ellefsen, BankNordikip pisortaa nittartakkakkut oqaaseqarpoq.

Aningaaseriviit: Elektronikkitigut attaveqaritsi

Takornarialerisut, akunnittarfiit neriniartarfiillu arlallit Sermitsiaq.AG-mut oqaluttuareerput coronavirusimik tuniluuttoqarnera pissutigalugu unitsitsiinnartut arlallit misigisimallugit kaaviiaartitallu appariartortut.

Arctic Circle Businessip aningaaseriviit nalunaarnerat nuannaarutigaa:

- Ajalusoornerup pitsaasumik qaangernissaanut ataatsimoorluta ikioqatigiinnissarput taperserneqarmat, nuannersuusoq isumaqarpunga, Arctic Circle Businessimi pisortaq Louise Lynge Berthelsen oqarpoq.

Namminersorlutik Oqartussat Sulisitsisullu ataasinngormat ataatsimiipput, suliffeqarfinnut ikiorsiissutissat eqqartorlugit.

Aningaaseriviit kaammattuipput atuisut oqarasuaat maililuunniit aqqutigalugu saaffiginnissasut, coronavirusip tunillaannginnissaa anguniarlugu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER