Siumumi allattaanerusimasumut Mikael Petersenimut eqqartuussinermi Aki-Matilda Høegh-Dam takunnissimasutut sassartinneqarpoq, tassanilu oqaluttuarnermini arlalinnik assersuuteqarluni 19-inik ukioqarallarami Siumut allaffeqarfiani sulinermini angutip ukioqqortunerungaartup qanoq pisarsimaneraani.

Suliap ingerlanerani folketingimi ilaasortaq nukittunerulersimasoq, allaatigineqarpoq. Allaaserisaq tamakkerlugu aviisimi AG-mi atuarsinnaavat.

- Ullumikkut qanoq ippit? Morten Nielsen, unnerluussisussaatitaasoq, eqqartuussinerup ulluisa siullianni aperaaq.

- Suli qiasinnaasimavunga, kisianni killiliinissannut nukittunerulersimavunga, Aki-Matilda Høegh-Dam oqarpoq.

Upperineqannginnissaq pillugu annilaanganeq

Nammineq arnalluunniit allat siusinnerusukkut killiliinnginnerat upperineqannginnissamik anningaalanganeq kingunerisinnaasaalu peqqutaapput.

- Upperineqannginnissarput annilaanngatigaarput, saqqumilaartinneqarnissarput qunugalugu, angajoqqaattami ilaasa Mikael Petersen ikinngutigaat, oqarpoq.

- Ullumikkut suli qunuit? Illersuisup Jens Paulsenip paaserusuppaa.

- Naagga, ullumikkut qununeq ajorpunga. Misigisinnaavarali paasisinnaallugulu amerlasuut annilaangasut. Paasiuminaappoq aatsaat ilisarisimaneqarluaraanni qunujunnaartoqartarmat, Aki-Matilda Høegh-Dam akivoq, ullumikkut Folketingimi ilaasortaanermi saniatigut aamma Siumup siulersuisuunerani issialluni eqqarsaatigalugu.

Eqqartuussivimmi pisunit allaaserisaq, aviisimi AG-mi atuarsinnaavat - uani pissarsiariuk:

AG Uge 02 2021

Klik her for at læse