Skip to main content

Aki-Matildap Lars Løkke akerlilerpaa

Kalaallit Nunaanni innuttaasut namminersulivinnissamik takorluugaqarnerat piviusorsiunngitsutut Lars Løkke Rasmussenip taammagu, Kalaallit Nunaat sinnerlugu Folketingimi ilaasortaq Aki-Matilda Høegh-Dam illuatungiliivoq.

Kalaallit Nunaata siunissami namminersulivinnissaa pillugu Lars Løkke Rasmussen aalajangiisussaanngilaq.

Kalaallit Nunaat sinnerlugu Folketingimi ilaasortaq, Aki-Matilda Høegh-Dam taama isumaqarpoq:

- Kalaallit Nunaat Naalagaaffinngussanersoq pillugu Lars Løkke Rasmussen qujanartumik aalajangiisussaanngilaq. Ineriartorneq Kalaallit Nunaanni annertusiartorluni pereerpoq. Tassunga tunngatillugu nalunaarnerit ataasiinnarmik, soorlu Lars Løkke Rasmussenip oqariartuuteqarneratut inerneqartartut, upperisanngilagut, Aki-Matilda Høegh-Dam tusagassiorfinnut nalunaaruteqarluni allappoq.

Allanut atassuteqarnerit

Lars Løkke Rasmussen Naalagaaffeqatigiinnermi siuttutut inissisimasareerpoq, nunanullu allanut tunngasut eqqartorneqartillugit Kalaallit Nunaat Savalimmiullu peqataatinneqarnerusariaqarneranik kissaateqarluni oqartareerluni.

Kalaallit Nunaatali siunissaa pillugu Politikenimi oqaaseqarnera Folketingimi ilaasortamit tulluarsorineqanngillat.

- ”Namminersulivinneq” qanoq isumaqarnersoq ukiorpassuanngortuni eqqartortareerparput. Arlaannaalluunniit oqarsimanngilaq Kalaallit Nunaat nunarsuarmi kisimeerpiarluni ingerlalissasoq, USA-mik nunanilluunniit allanik suleqateqanngivilluni. Taanna pillugu Folketingimi ilaasortat tamarmik qaammatip aallartinnerani nalunaarput, kalaallit USA-mut suleqateqarnissaat inissaminiittoq, oqarpoq.

Aqqut eqqortoq

Folketingimi politikerip erseqqissarpaa danskit naalakkersuisuisa Kalaallit Nunaat peqataatilluartaraat, nunallu tamalaat akornanni politikkikkut eqqartorneqassatillugu peqataatikkumallugu aggersartaraa. Naligiinnerulernissarli tikitserlugu suli aqqut takisooq ingerlavissaavoq, naak aqqut eqqortoq atorneqaraluartoq.

Aki-Matilda Høegh-Dam tusagassiorfinnut nalunaarutimini erseqqissaavoq Kalaallit Nunaat nunanut allanut annertunerusumik niueqateqalernissamut sulissuteqartoq. Nunallu allat suleqatiginerulernissaanut aamma sulissuteqartoq.

- Kalaallit Nunaat pillugu Danmarkip nunat allat suleqatini eqqartueqatigileraangagit nerrivimmi issiaqataarusuppugut. Qanoq isilluni Lars Løkke Rasmussenip innuttaasunut sumiginnaanermik tamanna taasinnaagamiuk, Aki-Matilda aperivoq. Lars Løkke Rasmussenip namminiilivinnissamut oqallinneq innuttaasunik sumiginnaanertut apersorneqarnermini assersuuppaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER