Aki-Matildap Kielsenimit tapersersorneqarnissani amigaatigigaa
Aki-Mathilde Høegh-Dam 23-iinnarnik ukioqarluni Folketingimi ilaasortat nukarlersaraat. Folketingimi ilaasortatut ukioq siulleq qanoq ingerlasimanersoq uani oqaluttuaraa.
Folketingimut ilaasortanngorlaajulluni Aki-Mathilde Høegh-Damip Danmarkimi qaammatit siulliit arfineq-pingasut suliassanut iserniaannangajavinnermut atorsimavai.
Corona pissutigalugu matusinerup nalaani Kalaallit Nunaanniissimavoq. Tamanna pissutigalugu Naalakkersuisut Inatsisartunullu ilaasortat qaninnerusumik suleqatigai.
Siumup siulittaasua Kim Kielsen oqaloqatigerpiarneq ajorpaa.
- Kim ulapeqigami, taanna aviisimit AG-mit apersorneqarnermini oqarpoq.
Kielsenimit salliutinneqarsimanngilaq
sertuutinngilaa siulittaasumit annertunerusumik tapersersorneqarnissani kissaatiginartikkaluarlugu. Folketingimut qinersinermut atatillugu Kim Kielsen ammasumik oqarpoq Siumukkormiup allap Folketingimi ilaasortaanissaa piumanerullugu, namminerlu Aki-Matilda Høegh-Dam taasimanagu.
- Taamatut oqarnera paasisinnaanngilara, tassami Siumumit Folketingimut qinigassanngortittut tamarmik naligiillutik qinigassanngortipput. Siumup partiitut tarninganut akerliusorujussuuvoq Kim Kielsenip qinigassanngortittoq aalajangersimasoq salliutinniarnerusimammagu. Isertuussaanngilaq tamanna annernartissimagakku. Partiimmi siulittaasuata folketingimut qinigaasoq tapersersortussaavaa. Siusinnerusukkut allamik tusagaqarsimanngisaannarpunga. Isumaqarpunga allatut pissusilersorneq tamanna tamarmi pissusilersornerlunnerusoq, Aki-Matilda Høegh-Dam oqarpoq.
Aki-Matildap apersorneqarneranit allaaserisaq tamaat aviisimi AG-mi atuarsinnaavat - aviisi uani pissarsiariuk: