Aki-Matilda: Issittumi naalagaaffiup aallartitaa nunatsinneersuusariaqarpoq
Folketingimi ilaasortaq Aki-Matilda Høegh-Dam (S) isumaqarpoq issittumi naalagaaffiup aallartitaa kalaallimit akisussaaffigineqartariaqartoq, suliassarlu Kalaallit Nunaata tigummisariaqaraa. Aaja Chemnitzip (IA) tamanna aamma apeqqutigaa, USA-mimi issittumi aallartitaasoq Alakasmeersuunissaa innersuussutigineqarnikuummat.
Issittumi naalagaaffiup aallartitaa kalaallimit inummilluunniit akisussaaffigineqarnissaa inissaminiippoq. Folketingimi ilaasortaq Aki-Matilda Høegh-Dam (S) taama isumaqarpoq, isummanilu danskit nunanut allanut tunngasunut ministerianut Lars Løkke Rasmussenimut (M) issittumi suleqatigiinneq pillugu nassuiaat folketingimi oqaluuserineqarmat tusartippaa.
Issittumi aallartitatut toqqarneqartoq, Tobias Elling Rehfeldt, kalaaliunngilaq nunallu inoqqaaviunani, Aki-Matilda Høhjer-Damillu tamanna isornartorsiorpaa.
- Kunngeqarfeqarnerani issittumi naalagaaffiit allat aallartitaq, Issittumi sinniisussaq, suliarineqartussaagaluarpoq Issittumit najugalimmiit, tassaalluni Naalakkersuisut ataaani, Aki-Matilda Høegh-Damip oqalugiarnermini oqarpoq.
Inuit Issittoq ilisimasaqarfigaat
Folketingimi ilaasortaq isumaqarpoq issittumi naalagaaffiup aallartitaa kalaaliusariaqartoq, imaluunniit nunap inoqqaavi inuk, najukkamik ilisimasaqarnerummat.
Folketingimi ilaasortap piumasaraa Danmark oqartarnermisut ataqqinninnermik naligiinnermillu tunngaveqartumik suleqataanissamik takutitsisariaqalersoq.
- Inuit Issittumi issittoq nunap ilaa ilusilersortussaavaat, Danmarkimiit aalajangiisoqarani, Siumut Folketingimi tusagassiorfinnut nalunaaruteqarluni allappoq.
Politikerip nunanut allanut tunngasunut ministeri Lars Løkke Rasmussenip nassuiaataa isornartorsiorpaa, ilisarisinnaannginnerarlugulu Issittoq pillugu suleqatigiinnermi apeqqutinut tunngatillugu Kalaallit Nunaat naammattumik pitsaasumillu peqataatinneqartarnerarmagu.
Chemnitz: USA qiviarsiuk
- Oqaatigisaq annertuumik uppernarsarsimanngitsoq uagut Kalaallit Nunaanniit tamatigut
ilisarisinnaaneq ajorparput. Taama isumaqaraani piffissanngoraluarpoq akuersaarnissamut,
nunanut allanut issittut pillugit oqaaseqartartoq issittormiusussaagaluarpoq, lyder det fra Aki-Matilda Høegh-Dam.
Issittumit aallartitaq pillugu apeqqut Aaja Chemnitzip aamma oqallinnermi tikippaa. Moderatit oqaaseqartartua Jon Stephensen oqaluttarfimmiitillugu Chemnitz oqaaseqarpoq USA-p issittumi aallartitaasoq Alaskameersuussasoq pillugu.
- Isumaqarpungalu tamanna soqutiginarluinnartuusoq, tassa aallartitaq Alaskameersuussammat, imaanngitsoq aallartitaasareersuunera pillugu USA-milu najugaqarnera apeqqutaatinnagu, toqqarneqasssoq. Danmarkimi aamma taama iliortoqarsinnaanerluni, Aaja Chemnitz aperivoq.
Jon Stephensen tamassumunnga isumaqataasinnaavoq, neriorsuuteqaranili:
- Isumaqarpunga sutigut tamatigut ajunngitsortaqartoq, iluatsissinnaassappat, oqarpoq.
Lars Løkke Rasmussen issittumi aallartitaq pillugu apeqqut oqallinnermi oqaaseqarfiginngilaa.