Aki-Matilda Høegh-Dam qanimut peqatigalugu
Taaguunneqarluarluni Folketingimut ilaasortanngorpoq. Aleqa Hammondimit aamma politikerinit allanit sungiussisimanernit taaguunneqarnerulluni. Kisianni Christiansborgip natiinut qillersakkani imminut naniniarneq oqitsuinnaanngilaq. AG-p tamanna malinnaaffigaa.
22-nik ukiulik Aki-Matilda Høegh-Dam siornatigut Aleqa Hammondimut ilinniartuulluni sullissisuunikuuvoq. Maanna nammineerluni Siumumit Folketingimut qinigaavoq.
Folketingimi nukarlersaalluni sapaatip-akunnera siulleq ilaasortaanera ulapiffiuvoq. Suliassarpassuit assigiinngitsut aamma politikkikkut suliassat kisimiilluni Københavnimi Regensenimi kollegiaminit 9 kvadratmeterisut angissusilimmit suliarisariaqarsimavai. Tassami Aki-Matilda suli allaffittaanngilaq imaluunniit Folketingimi sulianut ikiuussinnaasunik sulisoqalinngilaq.
Ullut arfineq-pingasut siulliit
Aki-Matilda Høegh-Damip folketingimi nutaatut ilaasortaanera AG-p malinnaaffigisimavaa.
Ataatanilu anaananilu pizzatornerat, kollegiani vegetar-spaghettit, Folketingimi ataatsimiititaliat pitsaasut pissarsiariniarlugit ilungersorneq pillugit atuakkit. Aki-Matilda Høegh-Damip aamma Kim Kielsen qanoq suleqatigineraa, Partii Naleqqamullu nuunnissaanik tusatsiakkat pillugit aamma ammasumik oqaluttuarpoq. Kisianni tamanna kisiat oqaluttuarinngilaa. Taanna aamma psykologeqarpoq, stressimik aqutsinermut aamma siunnersuinermut pikkorissumik.
- Tassunga unneqqarissinnaavunga, allanillu paasineqartussaanngitsunik oqaluttuarlunga, Siumumit folketingimut ilaasortaq oqarpoq.
Aki-Matilda Høegh-Damip ulluni arfineq-pingasuni peqatigineqarnera AG-mi saqqummertumi atuaruk.