Skip to main content

Aki-Mathildap Siumut qiimmattartippaa

Aleqa Hammondip qinigaaffia tigugaa paasinarsereersorlu, 22-nik ukiulik naalagaaffiit pissusiinik ilisimatusarnermi bacheloriusoq Inussivimmut isermat qiimmattarneq unissanngilaq. Folketingimi suleqatigiinnissaq taassuma neriorsuutigaa.

Imminut ajukkunnani aappaluttunik qarlilerluni, qernertumik kavaajalerluni aamma 3.500-nik taaguunneqarluni, Aki-Matilda Høegh-Dam Siumup ’hurraartornerani’ nuannannermi qitiulluinnarpoq.

Tamatuma kingorna Siumup siulittaasua Kim Kielsen qaqivoq.

- Inuit Ataqatigiit 1.500 amerlanerusunik taaguunneqarput. Aleqa Hammond aamma Nunatta Qitornai taasinernit uagutsinnit tigusipput, partiimi siulittaasoq ilaatigut taama oqarpoq.

Partiip ajugaasua nammineq ima oqarpoq:

- Tupaallappunga, tulluusimaarput, sinnattumiittutullusooq ippunga, Siumup Folketingimut ilaasortaatitaa nutaaq, Sermitsiaq.AG-mut taama oqarpoq.

- Kalaallit innuttaasut allannguerusupput, uagutsinnut allaanerulaartunut. Tamanna tulluusimaarutigisorujussuuara. Qinigassanngortittut tamarmik pitsaasuusut isumaqarpunga, pikkorissut, tamarmik immikkut nukittuffeqartut, suleqatiginissaannut qilanaarpunga. Kalaallit Nunaata siunissaa isumalluarfigisorujussuuara, taanna nangilluni oqarpoq.

- Siunissami Inuit Ataqatigiit suleqatiginissaat qanoq isigaajuk?

- Aaja Chemnitz Larsen ilisarisimavara, tunngaviusumik isumaqatigiittorujussuuvugut. Assersuutigalugu IA namminiilivinnissamik sulissuteqarpoq, apeqqutinilu taamaattuni qanimut suleqatigiissinnaavugut. Inuiaqatigiimmi sullittussaavagut, Aki-Mathilda Høegh-Dam, KNR-ip qinersinermi aallakaatitsiffianut ingerlapallannginnermini taama oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER