Skip to main content

Akerliussutsimik takutitsinissamut ilinniartitsisut piareertut

Kommuneqarfik Sermersuumi meeqqat atuarfiini ilinniartitsisut pingasunngornerup unnukkuani akerliussutsimik takutitsinissaminnut piareersarput

Ilinniartitsisut, angajoqqaat ilinniartitsisunngorniarlu akerliussutsimik takutitsinissaminnut pingasunngornerup unnukkuani piareersarput. Kommuneqarfik Sermersuup sipaarniarnera pillugu akerliussutsimik takutitsiniarput. 

Ilinniartitsisut Kattuffianni Imak-imi siulittaasoq Sivso Dorph ilinniartitsisut akerliussutsimik takutitsineranni sisamanngornermi pisussami ilinniartitsisut tapersersorniarpai. 

- Kommunimi atorfilittat oqaloqatigereerpagut, paasivarpullu kommunimi 408-nik ilinniartitsisoqartoq. Ilinniartitsisulli sulisarput soorlu ilinniartitsisut 450-iusut, tamannalu takutippaa Kommuneqarfik Sermersuumi ilinniartitsisunik 42-nik amigaateqartoqartoq. 

Imakip siulittaasua Sivso Dorphip ilinniartitsisunut oqariartuutigaa. Paasisinnaannginnerarpaa 16 million koruuninik sipaarniarnissaq qanoq tunngaveqarnersoq. 

Ilinniartitsisut tupaqqapput
Sipaarniartoqarnissaa pillugu ilinniartitsisut tupaqqallutik Imakip siulittaasuanut oqariartuuteqarsimapput. 

- Ilinniartitsisut ilinniartitsisussaaleqiffinnut nuutsinneqarnerminni nuukkusunngippata soraarsitaasinnaallutik Kommuneqarfik Sermersuumit oqarfigineqarsimapput, tamannalu ilinniartitsisut tupaqqassutigaat, Sivso Dorph oqarpoq. 

Imakip siulittaasuata ilinniartitsisut tupaqqanerat paasisinnaavaa, Kommuneqarfik Sermersuumiilli oqartoqarpoq ilinniartitsisunut taama qunusaarisoqarsimanngitsoq, kommuni ilinniartitsisullu akornanni paatsooqatigiittoqarsimasoq oqaatigineqarluni. 

Sivso Dorph akerliussutsimik takutitsinermi peqataanermini Kommuneqarfik Sermersuumut kaammattuuteqarniarpoq sipaarniarnissamut siunersuut unitsinneqaqqullugu, sipaarniarnermimi meeqqat eqqorneqartussaammata. 

Tapersersorneqarnissartik neriuutigaat
Ilinniartitsiut Kommuneqarfik Sermersooq tupaallaatigigaat ilinniartitsioq AneMarie Ottosen oqarpoq.

- Kommuneqarfik Sermersuup ilinniartitsisunut qunusaarisimanatik oqariartuuteqarnerat tupaallaatigaarput, aammami erseqqinngilaq sipaarniarnerit qanoq kinguneqarumaarnersut, AneMarie Ottosen oqarpoq. 

- Akerliussutsimik takutitsinissamut piareersarnermi amerlavallaanngilagut, neriuutigaarpullu akerliussutsimik takutitsineq aallarteriarpat amerlasuunit tapersersorneqassalluta. Siullermeersumik akerliussutsimik takutitsinngilanga, nalunngilaralu akerliussutsimik takutitsineq aallarteriarpat inuit amerlanerusut peqataajumaartut, AneMarie Ottosen oqarpoq. 

Akerliussutsimik takutitsineq ullumi sisamanngornermi nalunaaqutaq 16.15 aallartissaaq. Ukaliusap Atuarfianit Kommuneqarfik Sermersuup tungaanut ingerlaaqatigiittoqassalluni. Tassani Imakip siulittaasua, ilinniartitsisut, angajoqqaallu oqariartuutitik takutissavaat borgmesterimut Asii Chemnitz Narupimut kommunalbestyrelisimilu ilaasortanut. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER