Inatsisartut ataatsimiittarfiat

Akerliussutsimik takutitsinersuaq

Nuummi Aqqaluks Pladsimi inatsisartut ataatsimiittarfissaannik sanissaq akerleralugu akerliussutsimik takutitsinermi peqataasut amerlasoorujussuupput

Pjece, Inatsisartutbyggeri,
Inatsisartut ataatsimiittarfissaata Aqqaluks Pladsimut inissinneqarnissaa akerlerineqartorujussuuvoq. Ullumi akerliussutsimik takutitsisorpassuupput. Assit kingusinnerusukkut ilanngutissavagut. Ass.: Chr. Schultz-Lorentzen

– Akerliussutsimik takutitsisut 1000-t missaanniikkunarput. Amerlaqaat. Akerliussutsimik takutitsinermi nalinginnaasumik 200-300-t peqataasarput. Akerliussutsimik takutitsinermi qangarsuarli taama amerlatigisunik peqataasoqarpoq.

Taamatut oqarpoq Poul Petersen, Nuummi Politiini politikommissæri pigaartuusorlu, akerliussutsimik takutitsineq peqataaffigineqartorujussuaq, nalunaaqutaq 11 kulturip illorsuanit Katuamit aallarteriarluni Aqqaluks Pladsimut ingerlasoq oqaaseqarfigigamiuk. Politikerit arlallit, ilaatigut Inatsisartut siulittaasuat Lars-Emil Johansen tassani inatsisartut ataatsimiittarfissaannik 190 millioner koruunilimmik sananisarput.

Isorinnittut oqarput inatsisartut ataatsimiittarfiata nuutoqqap eqqaani sumiifik oqaluttuarisaanermut pingaarutilik kusanaallisassagaa. Illersuisut oqarput inissiffissaa pissusissamisoortoq, tassa tamamanna qangali politikerinit naapittarfiusimammat. Suliassaq allamut sangoqqippoq Inatsisartut siulittaasoqarfiat sapaatip akunnerani siusinnersuukkut quppersakkamik agguaassimmat, tassani inissiiffiusinnaasut arlallit taakkartorneqarlutik, pingaartumilli Aqqaluks Plads pingaartinneqarluni. Quppesagaq, isorinnittut taasaat sunniiniapilunnertut.

Aqqaluks Pladsip siunissaa Nuummi innuttaasut ersarivissumik soqutigisorujussuuvaat. Akerliussutsimik takutitsisut 1000-t tamanna takutippaat.

Sermitsiaq. AG-p pisoq malinnaaffigissavaa oqaluttuanik assinillu amerlanerusunik.

Powered by Labrador CMS