Skip to main content

Akerliuniarluni sulineq ingerlaannassaaq

Akerliuniarluni suleqatigiiffik Naammaleqaaq – Nok er nok pilersaaruterpassuaqarpoq. Unissimanngivipput, Avaaraq Olsen oqarpoq.

- Naammaleqaaq taama annertugilerumaarnersoq ilimagisimanngilarput. Akerliuniarluni suleqatigiiffimmi Naammaleqaami pilersitseqataasut ilaat Avaaraq Olsen taama oqarpoq.

Suleqatigiit naalakkersuinikkut inissisimanermit soriarsinnaanngitsutut misigisimanermit pilersinneqarpoq tassaasimallunilu taamaallaat Facebookikkut akerliuniarneq ataasiaannarluni pisussaq.

Aviisi AG taama allappoq.

Akerliussutsimilli takutitsineq iluatsittupilussuuvoq, tassanngaannarlu Avaaraq Olsen tassaalerpoq Kalaallit Nunaanni innuttasut naalakkersuinermik suliaqartunik naammaginninnginnerannut ilisarnaat.

Ilisimasatsituut tassangaannaq ilaatigut sukkut, imigassap plastikkillu akitsuutaasa qaffannerat aalajangiisuuvoq. Akerliniarlutillu suliniuteqartut innuttaasunik qaninnerulersitsipput.

Kattuffiit sisamat suliniaqatigiiffimmik tapersersuillutik oqaatigaat, inuillu kikkuugaluarnersut ataatsimoorlutik, Avaaraq Olsen oqarpoq.

Pilersaarutit

- Uani sapaatit akunnerani (50- imi, aaqq.) aqutsisoqatigiinnik pilersitsiniarpugut, taava suut oqaluuserineqassanersut qulequtalersuiniarpugut, taamaalilluni uagut tallimaannaalluta suut oqaluuserineqassanersut aalajangernagu.

- Aqutsisoqatigiit inissippata siunertaavoq siunnersuusiortoqarnissaa illoqarfinni ataasiakkaani inuit namminneq sulerisinnaanersut. Malugisinnaavarput amerlaqisut iliuuseqarusuttut nalulluguli qanoq aallartissanerlutiik, Avaaraq Olsen aviisimut AG-mut oqarpoq.

Akerliuniaqatigiit pilersaarutaat pillugit aviisimi AG-mi atuarnerusinnaavutit:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER