Aka Hansen: Hans Egede imaanut miloriunneqartariaqarpoq
Filmiliortartoq Aka Hansen isumaqarpoq, inuusaliaq naqisimanninnermik isumaqartoq imaanullu milorujunneqartariaqartoq
Hans Egedep eqqaassutissaa Nuummiittoq, kangerlummut sammisoq, sapaatip unnuaani juunip 21-ani qalipaammik aappillarissumik kuineqarpoq, toqqavianilu ”Decolonize” allanneqarsimalluni.
Serlersaarisoq nassaarineqarpoq, kisianni takussutissat eqqaassutissallu qanga pisimasunit taarnerusuneersut pillugit oqallinneq suli naammassinngilaq, isummallu assigiinngillat.
Aviisi Sermitsiaq allappoq.
- Inuit taartumik amillit ileqqutigut imaluunniit ingerlatseriaatsikkut nikassaasarnerup taamaatinneqarnissaanik oqariartuuteqarput. Black Lives Matterimi nittarsaassinermut annertuumik sunnertissimallunga nassuerutigisariaqarpara, Kalaallit Nunaanni kikkut tamarmik nikassaaneq isummiussereertarnerillu misigisimammatigit. Tamakkorpiaallu Hans Egedep eqqaassutissaata takussutissartarai; naqisimanninneq, kristumiut upperisaat aqqutigalugu nikassaaneq kanngunarsaanerlu.
- Tamannalu aappaagu nalliuttorsiutigissavarput. Eqqaassutissaq taanna peertariaqaripput isumaqarpunga, immaqa Hans Egedep Kalaallit Nunaannut tikinneranit ukiut 300-nngorneranni imaanut igiinnarsinnaagaluarparput. Tamanna inuiaqatigiit inuit makeqqinnerissagaluarpaat kusanartoq, Aka Hansen Sermitsiamut oqarpoq.
Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq:
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...