Skip to main content

AK-mi siulittaasoq: Akissaatit pillugit isumaqatiginninniarnernik piviusorsiortunik ujartuisoq

Suliatigut peqatigiiffimmi Atorfillit Kattuffianni siulittaasoq, Dina Olsen, pisortanik akissaatit pillugit isumaqatiginninniartarnerit ingerlanneqartarnerat taamaatikkusuppaa.

Aningaasaqarnermut Sulisoqarnermut Aqutsisoqarfik isumaqatiginninniarnerni kingulerni ukiut sisamat iluini akissarsianik 3 procentinik qaffaanissaq aalajangeeriiginnartartoq AK isumaqarpoq.

Tusaaneqarneq ajorpugut

- Isumaqatiginninniartoqartillugu procentinngorneqarnera aalajangersimasunngorlugu siunnersuutigineqartillugu, ilaasortatta kissaataat tusaaneqarneq ajortut misigisimasarparput, ukiuni tulliuttuni ilaasortatta atugaat qanoq issanersut isumaqatiginninniaqatitta aalajangiutereersimasarmassuk. Tamanna uggornartorujussuuvoq, suliatigut peqatigiiffiit assigiinngitsut tamanna misigisarpaat, Dina Olsen naqissusiivoq.

Kommuninit aamma Namminersorlutik Oqartussanit sinniisut ulluni makkunani akissaatit pillugit Ilulissani isumasioqatigiipput, akissaatit pillugit isumaqatigiissutit siunnersuutigineqartussat qanoq imaqarnissaat tassani oqaluuserineqassaaq.

- Inuiaqatigiinnik nukittuunik pilersitsissagutta, sulisut imminnut pilersorsinnaanissaannik tunngavimmik pilersitsisariaqarpugut, Dina Olsen isumaqarpoq.

Akissarsiakkaanut aningaasat amerlanerusut

- Pisortani atorfillit 25.000-30.000 koruunit missaanni akissarsiaqartut 3 procentimik qaffaavigineqaraangamik aamma aqutsisut pisortallu 60.000-80.000 koruuninik akissarsiallit 3 procentimik qaffaavigineqaraangamik, kikkut akissarsiatigut pissarsinerpaasarnersut kialuunniit naatsorsorsinnaavaa: Tassa akissarsiakkaanerusut inuuniarnermi atugarissaareersut, Dina Olsen oqarpoq, procentinngorneqarnerata aalajangerneqannginnerani, taanna pisortanut sulisitsisunut kattuffiup siunnersuutaannik pingaartitsisarnissaannik kajumissaarivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER