Skip to main content

Ajutoortoq: Angut inuusuttoq aalakoortoq qullilerfimmut aportoq

Angut 20-t sinnerlugit ukiulik aalakoortoq suliffeqarfiup biilianik aappaluttumik ingerlatsisoq, arfininngornerup unnuaani Nuussuarmi aporpoq. Politiit aaversinnermit inernerit utaqqivaat.

Unnuap qeqqata qaangilaarnerani Nuummi Nuussuarmi biilinik ajutoortoqarneranik politiit nalunaarfigineqarput.

Ajutoorneq bussit unittarfiata Sorlaat eqqaanni pisoq, Kalaallit Nunaanni Politiivini pigaartut pisortaat, Peter Bauer oqaluttuarpoq.

Angut inuusuttoq 20-t sinnerlugit ukiulik tassani suliffiup biiliutaa iluamik aqussinnaajunnaarsimagunarlugu qullilerfimmut aporpoq.

- Biilimi aquttoq imigassartorsimassasoq ilimagaarput, taamaammat politeeqarfiliaapparput aaversillugulu, pigaartut pisortaat oqarpoq.

Akissutit utaqqigaat

Angut ajoqusersimasut nakorsiartarfianut aamma misissortikkiartorneqarsimasoq ilanngullugu oqaatigaa.

Annerusumik ajoqusinngilaq aamma angerlartinneqarpoq.

Politiit maannakkorpiaq aaversinnermit inernerit utaqqigaat, Peter Bauer nassuiaavoq.

- Qanoq pillaatissinneqarnissaanut taanna tunngaviliissaaq.

 

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER