Skip to main content

Ajutoornerup kingorna: Nuummi annertuunik qaartitserisoqanngitsoq

Nuummi ikuallaaviup eqqaani ujaqqerivimmi annertuunik qaartiterinerit Kommuneqarfik Sermersuumit suli uninngatinneqarput.

Arfininngornermi naluttarfiup igalaavi ujaqqamik aserorneqarmata ajutoorneq qanoq pisimanersoq paaseqqaartinnagu, annertuunik qaartitsinerit Kommuneqarfik Sermersuumit uninngatikkallarniarneqarput.

Kommuni nittartakkamini allappoq.

Atuaruk: Qaartitsisoqarnerani ujarak naluttarfimmut tammittoq

Taamaattoq akuersissummik pissarsiniaqqaarani annikitsunik qaartiterinerup ammaanneqarnissaa, Kommuneqarfik Sermersuumi sanaartornermut immikkoortortamit aalajangiunneqarpoq.

- Isumannaatsuuneq pingaarnerpaatinneqartoq erseqqissaassutigissallugu uannut pingaaruteqarpoq. Taamaattumik mianersortumik tamakkiisumillu qallersorsimasumik qaartiterineq akuerineqarpoq, Kommuneqarfik Sermersuumi sanaartornermut pisortaq, Rudi Birkedal, taama oqarpoq.

Sermersuup paasissutissiaraa, akunnermi kingullermi ajutoornermi misissuinerit inerneri saqqummiunneqareeriarpata, annertunerusunik qaartitsinissanut najoqqutassat naliliiffigineqarumaartut.

Atuaruk: Qaartitsinermi ajutoorneq misissuiffigeqqissaarneqassaaq

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER