Skip to main content

Ajunaartoqartoq: Angallammi naalagaq kiggigussaalluni ajunaarsimavoq

Masik Sioraq ujaqqanik assartuisartoq septembarip qulingiluaani ajunaarfiummat ilinniarfiusimavoq. Den Maritime Havarikommissionip misissuisimanermit nalunaarusiaq tamanut saqqummiuteqqammerpaa

Masik Siorarmi Nuummeersumi naalagaq septembarip qulingiluaani Kuummiut talittarfianik iluarsaassinermut atatillugu ujaqqanik sioqqanillu niooraanermini ajunaarpoq. Taamaalinerani niusassat kingullersaat niuneqartussanngormata suliassat naammassingajalivissimagaluarput.

Aviisi AG taamatut allappoq.

Den Maritime Havarikommissionenimit inuttat oqaloqatigineqarsimapputaamma ajunaarnermut pissutaasumik misissuinermi isumannaallisaanermut najoqqutassat misissorneqarsimapput. Nalunaarusiami allassimavoq, angallatip qaavani inissakinneq pissutigalugu maskiinat assaassutitallit niuniarneranni ulorianartumik pisoqarsinnaasoq ilisimaneqareersoq. Tamanna suliffimmik nalilersuinermi oqaatigineqarsimavoq. Taamaammat maskiinat ingerlanneqarfiisa iluini angallannissaq inerteqqutaavoq.

Sulinermi najoqqutaqannginneq

- Inuttat namminneq aalajangissavaat, ingerlatsisoqarnerani maskiinanut assaassutitalinnut qanoq ingalassimatigissanerlutik, sulinerminnili najoqqutassaqanngillat, ingerlatsinermi inuit ingalassimatinneqarnissaannik qulakkeerinnittussanik. Taamaammat inuttap ataatsip suliffik suli qimanngikkaa maskiina assaassutitalik sulilersinneqarpat ulorianartumik pisoqarsinnaasarpoq. Angallammi naalagaq maskiinap assaassutitallip usilersortarfiullu matuata akornanni kiggigussaammat ulorianartumik pisoqarpoq, Den Maritime Havarikommission misissuisimanermit nalunaarusiami sapaatip akunnerata matuma siuliani saqqumersinneqartumi allappoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER