Skip to main content

Ajunaartoqareersoq: Bussimi ilaasut tuparujussuarnermi ikiorneqarput

Sakkortuumik pisoqarsimatillugu ikiuinermik ilisimasalik tarnip pissusaanik ilisimasalik suleqatigalugu ataasinngornermi ajunaarfiusumik ajutoornermi bussimi ilaasut ikiorneqarnissamik neqeroorfigineqarput

Arnap 65-nik ukiullip bussimit aporneqarluni ajunaarnerani bussimik ingerlatitsisoq tuparujussuaqqavoq ataasinngornermilu ajunaarnerup kinguninnguaq tuparujussuarnerminut tarnip pissusaanik ilisimasalimmit ikiorneqarpoq. Nuup Bussiisa aamma neqeroorutigaat bussimi ilaasut tuparujussuaqqanerminni ikiorneqarnissamik pisariaqartitsisut tarnip pissusaanik ilisimasalimmit ikiorneqarsinnaasut.

Atuaruk: Angallannermi ajutoorneq: Sikkilertoq ajunaarpoq

Arnaq 65-nik ukiulik sikkilertoq ataasinngornermi ualikkut ajunaarpoq bussimit aporneqarnermi kingorna Borgmester Anniita Aqqusernani aamma Qinngutsinnut aqqutaasutut ilisimaneqartumi. Ajutoorneq politiit suli paasiniarpaat.

Atuaruk: Sikkilertoq bussimit aportittoq

Aquttoq tuparujussuarpoq
Annaassiniartartut arnaq ingerlaannaq nakorsiartarfiliaappaat apuunneqarnerminilu toqusutut nalunaarutigineqarpoq. Ilaasut arlallit arnaq aqqusinermi nalasoq takuaat annaassiniartartut ikiuunniarneranni.

- Bussimi ilaasut tuparujussuaqqanermininni ikiorneqarnissamik pisariaqartitsisut ikiornissaat neqeroorutigaarput. Aamma ataasinngornermi ualikkut ilaasut ataasiakkaat oqaloqatigineqarpoq tuparujussuaqqanerminni ikiorneqarnissamik pisariaqartitsisut, Nuup Bussiini pisortaaneq Michael Driefer Sermitsiaq.AG-mut oqarpoq.

Bussimik ingerlatitsisoq alianartumik ajortoornerup kingorna assut attortisimavoq erngiinnarlu tuparujussuaqqanini pissutigalugu tarnip pissusaanik ilinniarsimasumit ikiorneqarluni. Ajutoornerup nalaani bussimi ilaasut aamma kikkuunerat Nuup Bussiisa allaqqasuutigaat taakkulu bussiutileqatigiinnit saaffigineqarput neqeroorfigineqarlutik tuparujussuaqqanermut ikiorneqartariaqassappata ikiuuttussanik piareersimasoqartoq.

- Ilaasut ikiorneqarnissamik pisariaqartitsisut illuutitsinni ullumi katersuutsinneqassapput. Imaassinnaavoq ilaat pisariaqartitsinerusut. Ajutoornermi inuit qanoq misigineraat inummiit inummut assigiinngilaq. Aamma inuit ikiorneqarnissamik pisariaqartitsisut kaammattorumavagut uatsinnut saaffiginnequllugit, Michael Driefer oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER