Ajunaalermi kalerrisaarut aallartittoorneqarsimasoq
Ajunaalernermi kalerrisaarut pingasunngornermi ujaasinermik kinguneqartoq kukkunikkut aallartittoorneqarsimavoq. Inunnik ajoqusertoqarsimanngilaq.
Pingasunngornermi ajunaalernermi kalerrisaaruteqartoqarmat politiit angallataata illersornissaqarfiullu qulimiguuliutaata ujaasitinneqaraluarnerannut atatillugu inunnik ajoqusertoqarsimananilu tammaasaqartoqanngilaq.
- Ajunaalernermi kalerrisaarut kukkunikkut aallartittoorneqarsimavoq. Angallammik piginnittoq attavigineqarsimavoq, ilisimatinneqarlunilu ajunaalernermi kalerrisaarummik qamitsissasoq, politiinit oqaatigineqarpoq.
Kalaallit Nunaanni Politiit pingasunngornermi unnukku ajunaalermi kalerrisaarummik tigusaqarsimapput, ujaasisoqaraluarmalli ajornartorsiortunik nassaartoqarsimanngilaq. Politiit sisamanngornerup ullaavani inunnik maqaasisaqartoqarneranik suli nalunaarfigineqarsimanngillat, taamaammat politiit angallammik ajunaalernermi kalerrisaarummik aallartitsisimasumik piginnittoq nassaariniarsimavaat.
Tamannalu sisamanngornermi ualikkut iluatsinneqarsimavoq.