Ajortoqaqqippoq: Inatsisartunut ilaasortap unnerluunneqarsinnaannginneranik atuukkunnaarsitsisoqassaaq
Qinigaaffimmi matumani Inatsisartut ilaasortap unnerluunneqarsinnaannginneranik sisamassaanik atuukkunnaarsitsisoqassaaq.
Qanga pissutsinit amiakkut ilaattut Inatsisartunut ilaasortat unnerlunneqarsinnaannginnermikkut illersugaapput. Politikerit illuatungiliuttut pissaanilinnit illersorniarlugit inatsisit taamanikkut suliarineqarsimapput.
Ilaasortaq unnerluussisussaatitaasunit unnerluutigineqarsinnaalissappat, unnerluunneqarsinnaannginnera Inatsisartunit siullermik atuukkunnaarsitsisoqartariaqarpoq, atuukkunnaarsitsinerullu akuerineqartarnera ileqquuvoq.
Ilaasortap unnerlunneqarsinnaannginneranik atuukkunnaarsitsinissaq ataasinngornermi oqaluuserisassanut aammaarluni ilaavoq.
Immikkoortoq matoqqasumik ataatsimiinnerussaaq, suliallu kimut tunngasuunera tamanut nalunaarutigineqanngilaq.
Qinigaaffimmi matumani suliat sisamaat
Unnerluunneqarsinnaannginnerup atuukkunnaarsinneqarnera pillugu suliat qinigaaffimmi matumani suliat arlaqarput, suliat una sisamaraat.
Ukiaanerani ataatsimiinnermi 2021-mi Siumumeersup Aslak Jensenip unnerluunneqarsinnaannginnera atuukkunnaarsinneqarpoq, tamatumalu kingorna sioorasaarinermik suiami unnerluutigineqarlunilu pineqaatissinneqarpoq.
Ukiaanerani ataatsimiinnermi 2022-mi Naleqqameersup Emanuel Nûkop unnerluunneqarsinnaannginnera atuukkunnaarsinneqarpoq, tassanilu nakuusersimasutut unnerluunneqarpoq. Eqqartuussiveqarfimmi pinngitsuutinneqarpoq.
Kiisalu IA-mit ilaasortap Knud Mathiassenip unnerlunneqarsinnaannginnera upernaakkut ataatsimiinnermi ukioq manna atuukkunnaarsinneqarpoq. Suliap imarisaa tamanit ilisimaneqanngilaq.
