Ajornartorsiortoqarnerani: Allaffimmiit gummigedimut
Vilhelm Lynge Hard Kommuneqarfik Sermersuumi ulluinnarni Nunaminertanut Sanaartornermullu Oqartussaqarfimmi immikkoortortaqarfimmi aqutsisuuvoq. Gummiged atoarlugu aputaajaanissani ajoriffissaqartinngilaa, Nuuk coronap maanna ajornartorsiutaanerani unittuunnginniassammat.
Vilhlem Lynge Hard isumaqarpoq, innuttaasutut pisussaaffigigipput, coronamik ajornartorsiuteqartoqarnerani inuiaqatigiillu unammillerneqarneranni ikiorneqarnissamik pisariaqartitsisunut ikiuunnissarput.
- Sulinngitsoorniarnissaq iluaqutaanngilaq, taamaassappat inuiaqatigiit unittuussapput imaluunniit ajornerusumik pisoqarluni, ajalusoortoqariaannaaavoq", Vilhelm Lynge Hard oqarpoq, nammineq angallassissutinik angisuunik ingerlatsinissamut allagartaqarnini atorluarlugu gummigedinik aputaajaajartornissaminut piareersimagami.
Arlalinnik ilinniagalik
Immikkoortortaqarfimmi aqutsisoq arlalinnik ilinniagaqarpoq. Taamaasilluni ulluinnarni immikkoortortaqarfimmi aqutsisutut suliassaminut tunngasuunngikkaluartunik arlalinnik piginnaasaqarpoq, inuiaqatigiinni sumiiffinnut allanut iluaqutaasinnaasunik.
- Tassami kommunimi sulisorpassuaqarpoq allamik ilinniagaqarsimasunik, ulluinnarni atorneq ajukkaminnik, kisiannili maannakkut immaqa atorluarneqarsinnaasunik. Maannakkut immikkuullarissumi inissisimavugut, inuillu kaammattorumavakka ikiuussinnaaffimminni ikiuuteqqullugit, Vilhelm Lynge Hard Kommuneqarfik Sermersuup nittartagaanut oqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...