Skip to main content

Ajornartoorfimmi ataatsimiinnerit kingorna: Kim ingerlaannassaaq

Siumumi suli isumaqatigiinngittoqaraluartoq, Kim Kielsen partiimi aamma Naalakkersuisuni siulittaasutut ingerlaqqippoq. Qinersisoqassanngilaq.

Siumumi siulittaasoq Kim Kielsen aammaarluni eqqissiviilliortoqarneranit - maannamuugallartoq aniguerpasippoq.

Ulloq tamaat ataatsimeeqqattaartoqareersorlu, Kim Kielsen Siumumi siulittaasutut tunuarnianngitsoq nalunaarutigineqarpoq.

Naalakkersuisunut siulittaasutut aamma ingerlaannassaaq, taamaalillunilu aamma qinersisoqarnissaa itigartitsissutigaa.

Tamatumali saniatigut Siumup Inatsisartuni gruppiani suli isumaqatigiinngittoqartoq nassuerutigaa. Ippassaq unnukkut kingusissukkut gruppimi ilaasortat arfinillit kiisalu naalakkersuisup Erik Jensenip allagaq saqqummiunniarlugu aalajangerput, tassani Kim Kielsenimut tatiginnikkunnaarnertik nalunaarutigaat. Tunuarnissaanut taakku kajumissaaruteqarput.

Kajumissaarut Kim Kielsenimit malinneqanngitsoq.

Siumumi ajornartoornermik aaqqiiniarluni ataatsimiinnerit ullaarli partiip ulluinnarni aqutsisuini pipput.

Tamatuma kingorna partiip siulersuisuuneri ataatsimiipput.

Nalunaaqutaq 11.45 siulersuisuunerit aamma partiip Inatsisartuni gruppiata akornanni ataatsimeeqatigiinnerit aallartipput.

Nalunaaqutaq 15.00 sioqqutilaarlugu siulersuisuunerit ataatsimeeqqipput, akunnerullu affaata missaa qaangiuttoq Kim Kielsenip partiimi siulittaasutut ingerlaannarnissani nalunaarutigisinnaanngorpaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER