Skip to main content

AIS: Partiit kissaataat naatsorsorneqartut

Aningaasaqarnermut Naalakkersuisoqarfik 2021-mut Aningaasanut Inatsisissatut Siunnersuut siullermeersumik isumaqatiginninniutigineqareersoq naatsorsuilluni aallartissimavoq.

Nunatta Karsiata ukiunut sisamanut tulliuttunut missingersuutissai siullermeersumik isumaqatiginninniutigineqarnerat naammassineqaqqammerpoq.

Aningaasaqarnermullu Naalakkersuisoq Vittus Qujaukitsoq (NQ) naammagisimaarinnippoq:

- Ataatsimeeqatigiinnerit eqqissisimasumik ajunngitsumillu ingerlanneqarput, partiit aningaasartuutissatut kissaataat sipaarutissatullu siunnersuutaat tusarnaarpakka, Aningaasaqarnermut Naalakkersuisoq Vittus Qujaukitsoq nassuiaavoq, nangillunilu:

Aningaasaqarnermut Naalakkersuisoqarfimmi maanna partiit kissaatigisaat naatsorsorlugit aallartinneqarput.

- Aningaasanut inatsisissaq ataqatigiissinniarlugu partiit kissaataasa qanoq ataatsimoorfeqarsinnaanerat paasiniarlugu maanna kissaatit nalilersorlugit aallartippugut.

Aningaasaqarnermut Naalakkersuisup COVID-19-ip nunarsuarmi tuniluunnera pissutigalugu 2021-mut Aningaasanut Inatsimmi amigartooruteqarnissaq avaqqunneqarsinnaanngitsoq oqaatigereernikuuaa. Isumaqatiginninniarnermili tunngavigineqarpoq, ukiut pingasut ingerlaneranni amigartooruteqartoqannginnissaa, Aningaasaqarnermut Naalakkersuisoqarfik ilisimatitsivoq.

Isumaqatiginninniarnerit tullissaanik qaqugu aallartinneqassanersut suli nalunarpoq.

Inatsisartut pilersaarutit malillugit aningaasanut inatsisissaq ukiut tamaasa novembarip 15-iani akuersissutigisarpaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER