Skip to main content

AIS2021: Atassut Suleqatigiissitsisullu isumaqatiginninniarnernit peqataajunnaartinneqarput

Illuatungiliuttuusut Atassut aamma Suleqatigiissitsisut aningaasanut naalakkersuisoqarfik naapertorlugu avaqqunneqarsinnaanngitsunik akissaqartinneqanngitsunillu piumasaqarsimapput. Taamaammat isumaqatiginninniarnernut tullernut peqataatinneqassanngillat.

Aningaasaqarnermut naalakkersuisoqarfiup naatsorsuutigaa partiit tamarmiullutik, Atassut Suleqatigiissitsisullu minillugit, aningaasanut inatsisissamut 2021-moortumut isumaqatiginninniarnermut tullermut peqataassasut.

Aningaasaqarnermut naalakkersuisoqarfik tusagassiorfinnut taama nalunaaruteqarpoq.

- Aallarniutaasumik oqaloqatigiinnerni piumasaqaatit avaqqunneqarsinnaanngitsunik akilerneqarsinnaanngitsunilli saqqummiussipput, soorluttaaq illuatungeriit isumaqatigiinngissutai pissutigalugit isumaqatiginninniarnissamut tunngavissartaqanngitsoq nalunaarutigalugu, aningaasaqarnermut naalakkersuisoqarfik nalunaarpoq.

Taamaasilluni naatsorsuutigineqarsinnaanngilaq tamanit isumaqatigiissutigineqartumik aningaasanut inatsimmik 2021-mik suliaqartoqarsinnaanera.

Atassut tupigusuppoq

Taama nalunaaruteqarneq Atassutip siulittaasuata, Aqqalu Jerimiassenip tupaallaatigaa:

- Isumaqatiginninniarnernut peqataassanngitsugut toqqaannartumik ilisimatinneqanngilagut. Aamma ilisimatinneqanngilagut oqaloqatigeeqqaarnermi siunnersuutit sorliit avaqqunneqarsinnaanngittut akilerneqarsinnaanngitsulli saqqummiussimanerigut, Sermitsiaq.AG-mut oqarpoq.

Taassuma erseqqissarpaa partii isumaqatiginninniutitut saqqummiussani pillugit naaperiutiginiarnissamut piareersimasimagaluartoq.

- Isumaqatiginninniarnerit qanoq ingerlasarnersut nalunngilagut. Taamaammat piumasaqarluta tunniussaqarpugut, aamma naatsorsuutigisimavarput siunnersuutitta ilaat aningaasanut inatsimmut aappaagumut ilanngunneqassasut. Kisianni naaperiaanissaq pisariaqassasoq nalunngilarput, tassa isumaqatiginninniarneq, oqarpoq.

- Naalakkersuisoqatigiit siornatigut oqareerput assatik isaallugit. Massuma takutiinnarpaa assamik isaassisuusaarnerusimasoq, oqarpoq.

Nalunaarneq paasinartoq

Illuatungaani Suleqatigiissitsisunit Tillie Martinussen aningaasaqarnermut naalakkersuisoqarfiup nalunaarutaanut tupaallanngilaq.

- Tamanna naatsorsuutigereersimavara. Isumaqatiginninniarnermi siullermi takusinnaareersimavarput naammattumik naaperiarsinnaanata. Isumaqatiginninniarnernulli tullernut peqataassanngitsugut pillugu mailikkut ilisimatinneqarsimasuugutta pitsaassagaluarpoq, Sermitsiaq.AG-mut oqarpoq.

- Nalunngereerparput Aningaasanut inatsimmi allatut pingaarnersiuerusuttunga. Pingaarnertut meeqqanut suliat pillugit. Amerlanerujussuarnik aningaasaliisariaqarsoraakka. Coronap kingunissai naatsorsuunneqarsimammata nersualaarpakka. Atorniarnerilli tamaasa unitsikkallarusullugit, soorlu aamma Ilanngaassivik unitsikkusukkinga suliniutillu allat naapiffigisinnaanngikkigut. Toqqaannartumik oqarfigaakka pingaarnersiuinermi naapissinnaannginnatta isumaqatiginninniarnernut piffissarput atortariaqanngikkipput, uagutsinnut kinguneqarnavianngimmat, Tillie Martinussen nassuiaavoq.

Aningaasaqarnermut naalakkersuisoqarfiup aningaasartuutissanut sipaarniutissanullu partiit kissaataat maanna naatsorsuleruttorpai. Isumaqatiginninniarneq tulleq qaqugu ingerlanneqassanersoq suli aalajangersimasumik ullulerneqanngilaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER