Skip to main content

Air Icelandip timmisartuni nutarterpai

Air Icelandip timmisartuutiminik nutarterinini 2016-ip aallartinnerani naammassissavaa. Tamatumunngalu atatillugu timmisartut nutaamik isikkoqalissapput

Air Icelandip timmisartuutiminik nutarterinini 2016-ip aallartinnerani naammassissavaa, timmisartuni Fokker 50-it, 50-inik issimasoqarsinnaasut, timmisartunik Bombardier Q400-nik pingasunik, 72 - 76-inik issimasoqarsinnaasunik, taarserpagit.

Timmisartut Fokkerit ukiut 20-t matuma siornatigulli tunisassiarineqarunnaarsimapput, selskabillu taakkua taartissaattut timmisartut Bombardier Q400-t toqqarsimavai, taamatut paasissutissiivoq Air Iceland.

Isikkui nutaat

Timmisartut taarserneqarpata Air Icelandip timmisartui nutaamik isikkoqalissapput.

– Ilulissaannik isikkussaannillu nassaarniarluni suliarujussuaq ingerlanneqarsimavoq. Air Icelandimi sulisut akulerutsinneqarsimapput, ilulissaattullu siunnersuuterpassuarnik, Air Icelandimut tunniunneqarsimasunik, taasisitsinermi annertuumi peqataasimallutik, Air Icelandip tuniniaanermut ussassaarinermullu pisortaa Ingi pór Gudmundsson tusagassiorfinnut nalunaarutikkut paasissutissiivoq.

Nutaamik qalipanneqassapput

Januaarip qiteqqunnerani timmisartut Bombardier 400-t siulliit Tuluit Nunaannut aallassapput nutaamik qalipakkiartorlugit, timmisartullu Islandimut utissapput 2016-imi februaarimi.

Air Icelandip timmisartortaavi Bombardier 400-t timmisartunit Fokkerinit nipikinnerupput, atornerat akikinnerulluni amerlanerusunillu ilaasoqarsinnaallutik.

Timmisartut Bombardierit Islandip iluani timmisartuussivinni kiisalu Islandip Kalaallit Nunaatalu akornanni timmisartuussivinni atorneqassapput.

Timmisartut Bombardierit marluk

Air Iceland timmisartunik Bombardier Q200-nik marlunnik, 37-nik issimasoqarsinnaasunik, peqareerpoq, ukiuni qulini atoreersimallugit. Timmisartullu taakkua marluk suli atorneqassapput, selskabi paasissutissiivoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER