Skip to main content

Air Icelandip Kalaallit Nunaannut timmisartuussisarnini amerliniarai

Air Iceland Connectip Kalaallit Nunaannut takornariartartut amerleriarnissaat naatsorsuutigaa, Kalaallillu Nunaanni timmisartoqarfissat nutaat ammarpata Kalaallit Nunaannut timmisartuussisarnini nukittorsaaffiginiarlugu

Air Iceland Connectip Kalaallillu Nunaanni timmisartoqarfissat nutaat ammarpata Kalaallit Nunaannut takornariartartut amerleriarnissaat naatsorsuutigaa. Ingerlatseqatigiiffik aningaasatigut iluanaaruteqaqataarusuppoq.

Aviisi Sermitsiaq taamatut allappoq.

- Kalaallit Nunaat pingaarnerusumik tuniniaavitta ilagaat. Pilersaarusiavulli qanoq ittuunersut sukumiinerusumik oqaatigissanngilakka. Pilersaarusiavut aatsaat 2022-mi naammassissagunarpavut. Islandimiili Kalaallit Nunaannut timmisartuussisarnitta suli nukittorsarnerulernissaanut, aap allaammi annertusarnissaanut, qilanaarpugut, Kalaallit Nunaanni mittarfeqarnikkut aaqqissuussineq nutaaq atulerpat. Tamatumunnga tunuliaqutaapput mittarfiit nutaat atulernissaat, aammalu Kalaallit Nunaata takornariarfissatut soqutigineqaleraluttuinnarnera. Inuit Kalaallit Nunaannut feeriarnikkut periarfissanik takunnipput, misigisassarsiorusuppullu. Taamaattumik takornariat Kalaallit Nunaannukartartut amerliartussapput, Air Iceland Connects​​​​​​imi pisortaq Árni Gunnarsson naliliivoq.

Air Iceland Connectimi pisortaq aperineqarami, ingerlatseqatigiiffik Kalaallit Nunaanni nunap iluani timmisartuussisarnissamik soqutiginninnersoq akissuteqanngilaq.

– Tamanna eqqarsaatigisimanngilarput. Pilersaarutitsinnut ilaanngilaq, Árni Gunnarsson oqarpoq.

Ukiulli sisamat tallimallu qaangiuppata susoqassanersoq siumut oqaatigineqarsinnaanngilaq, Kalaallit Nunaata iluani timmisartuussisoqarsinnaanersoq Air Iceland Connectimi oqaluuserineqarsimanersoq pillugu Sermitsiap apeqqutaanut akissuteqarluni oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER