Air Greenland: Norsap misissorneqarnera sivitsortoq

Timmisartorsuup Airbusiusup Norsap Frankrigimi misissorneqarnera, coronap ajornartorsiutaaneranit eqqugaasimavoq, tamatumalu malitsigisaanik minnerpaamik qaamatip pingajuat avillugu misissorneqarnera kingusinaarsinnaalluni.

Air Greenland coronap ajornartorsiortitsineranit arlalitsigut eqqugaasimavoq. Timmisartuutileqatigiiffik annertuunik sipaarniuteqarniarluni suliaqarpoq, ilaatigut sulisut 20 procentimik ikilisinneqarnissaat pilersaarutaalluni, tamatumalu saniatigut timmisartorsuup Norsap atuuteqqilernissaa utaqqineqarluni.

Norsaq februaarip qiteqqunnerani angalajunnaarpoq, ukiumoortumik - C-checkimik taaneqartartumik - misissorneqartussaagami. Tamanna pivoq Frankrigimiittumi Bordeauzimi Sabena Technichsimi, coronavirusilu tuniluulluni siammaaammalli tassaniissimalluni.

Attartornermik isumaqatigiissut sivitsorneqartoq

Coronap siaruaannerata malitsigisaanik, suliffeqarfissuarmi sulisut angerlartinneqarsimapput, taamalu misissuineq kingusinaarujussuartillugu. Pilersaarutaagaluarpoq Norsaq martsip 17-iani Københavnimiit Kangerlussuarmut ingerlaaqqittalissasoq.

Kingusnaartoqarmat, Air Greenlandip Portugalimiut timmisartuutaannik Hiflymik attartornermik isumaqatigiissutini sivitsortariaqarsimavaa. Aaqqiissut timmisartutoqqamik A330-200-mik atuinermit akisunerusoq.

- Naatsorsuutigaarput Norsaq juunip aallaqqaataanit ingerlaqqilissasoq, Air Greenlandimi pisortaaneq Jacob Nitter Sørensen check-in.dk-mut ilisimatitsivoq.

Powered by Labrador CMS