Skip to main content

Air Greenlandip siulersuisuini taarsiineq annertooq

Air Greenlandip siulersuisuini qulingiluaasuni nutaat sisamat ilaasortanngorput.

Air Greenlandip siulersuisuini annertuumik taarsiineq, danskit naalagaaffianit aamma SAS-imi piginneqataassutsit 461 millionit koruunilerlugit Namminersorlutik Oqartussat pisiarinerisa kinguneraa. Naalagaaffiup aamma SAS-ip sinniisaasa siulersuisuniikkunnaarnerinik tamanna isumaqarpoq.

Siulersuisunut ilaasortanngortut tassaapput:

  • Jette Larsen, Illuut A/S-imi pisortaaneq. Taanna ilaatigut INI A/S-imi, Royal Arctic Linemi aamma KNI-mi siulersuisutut misilittagaqarpoq.
  • Annette Brøndholt. Atisanik tunisassiornermik sulianik aamma silaannakkut angallannermik misilittagaqartoq. Ukiuni 15-ini SAS-imi misilittagalik, tassani arlalinnik pisortaaffeqartarsimavoq, ilaatigut aningaasaqarnermut aamma it-mut pisortap tulliatut. Aammattaaq atisanik tunisassiornermik suliaqartarsimavoq, Londonimiillu angerlarsimaffimmit siulersuisuni sulinermik ingerlataqarluni.
  • Steen Jensen, eqqartuussissuserisuni Bech-Bruunimi piginneqataasoq, taanna danskit aamma nunani tamalaani ingerlatseqatigiiffiit aningaaserivinnilu suliffeqarfiit aamma naalagaaffiit aningaasaatinut tunngasunut niunermik, børsimi pisinnaatitaaffinnik, nuussinernik aamma aningaasaliinernik siunnersuisarpoq. Danmarkimi najugaqarpoq.
  • Malik Hegelund Olsen, Royal Greenlandimi tuniniaanermut pisortaq. Ilisimatusarfimmi aamma Elite Sport Greenlandimi siulersuisunut ilaasortaq. Nuummi najugaqarpoq.

Maajip naanerani aktianik tunisinermut atatillugu immikkut ittumik ataatsimeersuartoqarpoq, tassani ilaasortat nutaat sisamat toqqarneqarput.

Siulersuisunut siulittaasuuvoq Kjeld Zacho Jørgensen, siornatigut Billundimi mittarfimmi pisortaasimasoq. Siulersuisunut ilaasortat pingasut sulisunit qinikkat saniatigut Bodil Marie Damgaard suli siulersuisunut ilaasortaavoq. Taanna 2016-imi ilaasortanngorpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER