Angallanneq

Air Greenlandip paasissutissiinerlunneq misissorpaa

Ilaasut kinguaattoornernik annertuunik aamma amigartumik paasititsinermik nunap timmisartortitseqatigiiffiannit misigisaqarsimapput

Ulluni kingullerni Air Greenlandimi kinguuaattoornerit Kujataani aamma Kitaata sineriaani annertupput.

Taassuma saniatigut ilaasut kinguaattoornernik aamma taamaatitsinernik paasitinneqannginnertik misigisimavaat.

Angallannermi ajornartorsiorneq nassuerutigigaat
Sermitsiaq.AG-p timmisartortitseqatigiiffik paasiniaaffigaa.

- Kujataamni sila angallavissaasimannginnera ilumoorpoq, aamma Nuummi kinguaattoortoqaqattaarpoq, taassumalu illoqarfiit arlallit sunnerpai, Air Greenlandimi attaveqaqatigiinnermik sulisoq, Katrine Hjelholt Nathanielsen oqarpoq.

Atuaruk: Air Greenlandimi ilaasut sapaatip-akunnerinik pingasunik kinguaattoortut

Kinguaattoornernut tunngatillugu iliuusissinnut malaarfigineqarpisi?

- Aap. Kisianni kinguaattoortoqartillugu maalaarutinik amerlanerunngitsunik.

- Ilaasunut paasissutissiinitsinni pikkorinnerusinnaanerluta maanna nalilersuleruttorparput. Assigiinngitsorpassuit uani apeqqutaapput.

Atuaruk: Inuit 100-t sinneqartut qulimiguulimmik ajornartoortoqarmat ingerlaqqinnaveerput

Sooruna inuit aallarnissaat kinguuaattoorsimasoq ilisimatitsissutiginngikkissi?

- Aallaqqaammut oqaatigissavara inuit naammattunik paasissutinik pissarsisimanersut misissorsimanngilarput. Kisianni ilaatigut ilaasussat telefonnormui imaluunniit e-mailadressii pigineq ajorpagut, ilaatigullu allat ilaasutsinnut qanoq paasissutissiisimatiginerluta pissutaasarput, attaveqaqatigiinnermut sulisoq akivoq.

Atuaruk: Air Greenland 90 millionit koruuninik sinneqartooruteqarpoq

Powered by Labrador CMS