Air Greenlandip aktiaanik pisinissamut isumaqatigiissut inissippoq

Danskit naalagaaffiata Air Greenlandimik aktiaatai 25 procentiusut aammalu SAS-ip aktiaatai 37,5 procentiusut pillugit danskit naalakkersuisuinut aamma SAS-imut pisinissamut isumaqatigiissutit Naalakkersuisut ullumi pingasunngornermi piviusunngortippaat

- Pisinissamut isumaqatigiissut, ukiuni arlalinni SAS-imut aamma naalagaaffimmut oqaloqatiginnissimanerat isumaqatiginninniarsimanerillu tunngavigalugit isigineqassaaq. Aktiaatit Namminersorlutik Oqartussanut tunniunneqarnissaannut ilusiliussassaq nassaarineqarpoq, tassani aningaasalersuineq Air Greenland-imit pissarsiassanik akiliinikkut aaqqiivigineqassalluni.

Namminersorlutik Oqartussat tusagassiutinut nalunaaruteqarpoq. Air Greenlandip aktiaatai 25 procentiusut aammalu SAS-ip aktiaatai 37,5 procentiusut pillugit danskit naalakkersuisuinut aamma SAS-imut pisinissamut isumaqatigiissutit Naalakkersuisut ullumi pingasunngornermi piviusunngortereeraat taama nalunaaruteqartoqarpoq.

- Air Greenland-ip ataatsimoortumik pigineqarnera maannakkut kalaallit assaanniilermat, tamannalu Nunap karsianut aningaasaqarnikkut isumannaatsumik pimmat, Naalakkersuisut aamma Demokraatit ataatsimoorlutik naammagisimaartorujussuuaat. Peqatigisaanik i 2023-imi mittarfiit nutaat atorneqalertussanngorpata Air Greenland-ip patajaassuseqarluarluni aammalu unammilligassat nutaat taakkua piareersi-maffigilluarlugit inissisimanissaa, Naalakkersuisut aamma Demokraatit pingaartissimavaat.

- Danskit naalagaaffiat aamma SAS ukiorpassuarni ataatsimoorussamik piginneqa-taasimanerannut aammalu Air Greenland-imi aqutsineq pillugu suleqatigisimanerannut, Naalakkersuisut tassunga atatillugu qutsavigerusuppaat.

- Air Greenland-ip peqqinnartumik ingerlatsisutut ingerlaannassaaq aammalu Kalaallit Nunaanni, Kalaallit Nunaannut aamma Kalaallit Nunaannit ilaasunik angallassinermik suliassanik, Kalaallit Nunaanni attaveqaqatigiinnermi pingaaruteqartunut ilaasunik, suliarinnittassalluni.

- Naalakkersuisut Air Greenland-imiittut tamaasa sulilluarnissaannik kissaappaat aammalu Air Greenland ingerlaarnermini ingerlalluarnissaanik kissaallugu, tusagassiutinut nalunaarummi erserpoq.

Powered by Labrador CMS