Skip to main content

Air Greenlandimut naammagittaalliortut 900-ut

Ukioq kingulleq Air Greenlandimut naammagittaalliortut 900-uusimapput. Taarsiiffigitikkusullutillu naammagittaalliortartut ikitsuararsuusut timmisartortitseqatigiiffiup paasissutissiaraa.

- Naammagittaalliortartut tassaakkajupput misigineqarsimasut qanoq pitsanngorsarneqarsinnaanerannik siunnersuutit, Air Greenlandip atuisunut sullissiviani aqutsisoq, Helle Pedersen, Sermitsiaq.AG-mut paasissutissiivoq.

Pigisat aserornikut

Taarsiivigineqarnissamik naammagittaalliuutit tassaakkaajupput, angalanerup nalaani pigisanik aserortoqarsimappat soorlu kuffertit, atisat assigisaallu. 

- Taarsiisinnaatitaanermut maleruaqqusat ersarissumik allanneqarnikuupput, taamaammat akissutigineqartut naammagittaalliuutigineqartartut ikittuararsuupput.

Sapaatit akunnerini sisamani utaqqisariaqarneq

- Naammagittaalliuutit amerlanertigut sapaatit akunneri sisamat iluanni suliarineqartarput, naammagittaalliuutip imaa apeqqutaalluni aamma suliaq sivisunerusumik suliarineqarsinnaasartoq oqaatigaa. Piffissamilu ulapaarfimmi juullikkunni aasaaneranilu naammagittaalliuutit aamma sivisunermik suliarineqarsinnaasartut oqaatigaa.

Innuttaasut ilaat Københavnimiik Kangerlussuaq aqqusaarlugu Nuummut angalanermut taarsiivigitikkumalluni oqarasuaatikkut mailikkullu attaveqarniartaraluarluni akineqarneq ajorami facebookimi gruppit ilaanni ikiortissarsiorsimavoq. Pineqartoq suliarineqarnera qaammatit marluk sinnereersimavai sulilu naammassineqarani.

Sulianik pingaarnersiuvineq

- Qaammatini marluk pingasullu akornanni suliarineqarnera naammaginanngitsoq Helle Pedersenip erseqqissaatigaa, sulianik pingaarnersiuvineq taama sivisutigisumik utaqqisitsineq pinaaveersaatissagaa paasissutissiaraa.

Naammagittaalliuutit eqqartuussivilersuunneqarsimannginneri erseqqissaatigaa.

- EU-mi taarsiisitsisinnaaneq inatsisaavoq taamaammat maalaartoqarsinnaalluni, taamaattoqartarlunilumi, Air Greenlandimi atuisunut sullisivimmi aqutsisoq paasissutissiivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER