Skip to main content

Air Greenlandimi siulittaasuuffik Namminersorlutik Oqartussat iperarpaat

Henrik Steinbacher sulisut sinniisaattut qinerneqartoq timmisartortitseqatigiiffimmi siulittaasunngorpoq. Søren Lennert Mortensen taamaatippoq.

Air Greenlandip siulersuisui maanna ataatsimeersuarnerup kingorna inissititerput.

Søren Lennert Mortensenip marsimi siulersuisunut qinigassanngorteqqinniarani nalunaarutigimmagu, Air Greenlandip siulersuisui nutaamik siulittaasussarsiortariaqarsimapput.

Taarsiullugu Henrik Steinbacher, sulisut sinniisaat siulittaasunngortinneqarpoq. Claus Holstein, danskit naalagaaffianit toqqarneqartoq siulittaasup tullerilerpaa.

Namminersorlutik Oqartussat piginneqataasut sinniisaannik nutaamik toqqaanissaasa tungaannut, Søren Lennert Mortensen, ilaasortaaginnarnissaminut akuersivoq, juunip aallartinnerani nutaamik toqqaasoqarnissaa naatsorsuutigineqarsinnaavoq.

Taamaalilluni siulittaasup aamma siulittaasup tulliata saniatigut siulersuisunut ilaasortat tassaapput:

  • Søren Lennert Mortensen, Namminersorlutik Oqartussanit toqqagaq
  • Bodil Marie Damgaard, Namminersorlutik Oqartussanit toqqagaq
  • Bjarne Eklund, danskit naalagaaffiannit toqqagaq
  • Leif Rasmussen, SAS-imit toqqagaq
  • Jan Torberger, SAS-imit toqqagaq
  • Claus Motzfeldt, sulisut sinniisaat
  • Sam Grønvold, sulisut sinniisaat
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER