Air Greenland takornariartitseqatigiiffimmik pisiaqartoq
Air Greenlandip takornariartitseqatigiiffiup Topas Explorer Groupip immikkortortaata Wold of Greenlandip affaa pisiarisimavaa.
Air Greenland takornariartitsisarfimmik Wold of Greenlandimik kisimi piginnittutut maanna imminut taasinnaanngorpoq.
Air Greenlandip Topas Explorer Goup maannamut piginneqatigisimavaa, Namminersorlutilli Oqartussat silaannakkut angallaffiutileqatigiiffiutaata tallimanngornermi Wold of Greenland kisimiilluni pigilerpaa.
- World of Greenland suliffeqarfissuarmi anguniagariikkatsinnut naapertuulluarpoq, taamaammat periarfissaqaleratta Topasip piginneqataassutaanik tigusinissarput pissusissamisoorsimavoq.
- Igloo lodge, Ilimanaq lodge aamma Glacier Lodge Eqi Wold of Greenlandip nunamut takornariarusuttunik amerlanerusunik kajumissuseqartitsilerniarluni qitiusumik tunisassiaasa ilaat neqeroorutigisareerpavut, takinerulaartumillu mittarfeqalernissaq Kapisilinni illuaraliornissamik suliniutitsinnut naapertuulluarpoq, Air Greenlandimi pisortaaneq Jacok Nitter Sørensen nalunaaruteqarnermi oqarpoq.
Prisen for de 50 procent af World of Greenlandip affaata pisiarinera qanoq akeqarsimanersoq allanut oqaatigeqqusaanngitsoq Air Greenlandimit Sermitsiaq.AG-mut ilisimatitsissutigineqarpoq.
Suliarisartagai ikileriangaatsiarsimasut
Air Greenlandimit oqaluttuarineqarpoq, Wold of Greenlandip corona pissutigalugu nunanit allanit takornariartartut amigaatigisimagai, tamatumalu malitsigisaanik ingerlatseqatigiiffik ajortumik sunnerneqarsimasoq, taamalu ingerlatseqatigiiffimmi suliarineqartartut annikillingaatsiarneqartariaqarsimasut.
Air Greenlandip tamakkiisumik piginnittuulernissaanut, taamalu takornariartitsisarnermi aatsaat taamak ajornartorsiortoqartiginerani tamanna qanoq ililluni isumassarsialatsiaasinnaava?
- Vi mener, at World of Greenland har nogle rigtig gode produkter, som vi tror på.
- Ajornartorsiortoqarnera ilumoorpoq, Nunattali Angalatitseqatigiiffianut inniminniisimasut amerlassusaat eqqarsaatigalugu pitsaanerusup tungaanut ingerlasoqartoq takusinnaavarput aamma Kalaallit Nunaanni akiuussutissalersuineq ajunngitsumik ingerlasoq takusinnaavarput.
- Tamatuma saniatigut timmisartoqarfissat nutaat siunissaq qaamanerulersippaat, takornariagassatullu pilerinartunik neqerooruteqartoqarsinnaappat - takornariartartut amerliartornissaat tamatumuuna periarfissaqarluni. Taamaammat isumaqarpugut, siunissamut aningaasaliissuteqarnissamut maannakkut piffissaalluartoq, Jacob Nitter Sørensen Sermitsiaq.AG-mut allakkatigut akissuteqarluni itisiliivoq.