Skip to main content

Air Greenland: Sulisunik 37-nik soraarsitsivugut

Pisortaaneq oqarpoq, kiffartuussinissamut isumaqatigiissutit atsiorneqarnissaat sioqqullugu sulisunik soraarsitsereersimallutik

– Air Greenlandimut isumaqatigiissutit annaaneqartut kaaviiaartitani 75 millioner koruuninik annaasaqarnerup taamaaqatigisussaavaa, tamannalu tunngavigalugu sulisunik 37-nik soraarsitsisariaqarsimavugut. Januaarillu aallaqqaataani Air Greenlandimi sulisut 45-nik ikinnerussapput, Air Greenlandip pisortaanera, Michael Højgaard, oqarpoq.

Atuaruk: Air Greenland Disko Linelu timmisartuussinissat isumaqatiginninniutigaat

Kujataa eqqugaanerpaassaaq
Namminersorlutik Oqartussat Naalakkersuisullu angallannermi kiffartuussinissamut isumaqatigiissutit nutaat septembarip 13-ani 2016-imi saqqummiuppaat, tamannalu pillugu Inatsisartuni Aningaasaqarnermut Akileraartarnermullu Ataatsimiititaliamit akuersissutigineqareersullu. Air Greenland isumaqatigiissutinit aqqanilinnit arfinillit pissarsiareqqippai kingulliilli eqqarsaatigalugit ajorsarnini nassuerutigisariaqalerlugu. 

- Kujataani, Nerlerit Inaannut suluusalinnik timmisartuussineq aamma Qeqertarsuup Tunuani qulimiguulimmik timmisartuussineq pillugit isumaqatigiissutit annaavavut. Siunissami Kujataani Narsarsuarmuinnaq timmisartuussisalissagatta, Kujataa sakkortunerpaamik eqqugaassaaq. Tamatuma toqqaannartumik kinguneranik sulisunik 37-nik soraarsitsisariaqarsimavugut, pisortaaneq nassuiaavoq.

Atuaruk: Isumaqatigiissutit nutaat paatsiveqartinneqanngillat

Qulimiguulinnik tuniniaaneq
Air Greenlandip Kujataani Qeqertarsuullu tunuani ingerlatsisuunera ullumikkut qulimiguulinnik pingasunik timmisartortartunillu qulinit amerlanernik naleqarpoq. Timmisartortitseqatigiiffik tamatuma saniatigut Narsami, Nanortalimmi Qaqortumilu qulimiguulinnut mittarfinnik ingerlartsisuuvoq.

Kisianni ukiortaamiit timmisartuussinikinnerulerneq pissutaalluni timmisartortartunik qulimiguulinnillu ikinnerusunik pisariaqartitsisoqalissaaq Narsarsuarmilu taamaallaat mittarfimmi sulisoqalissalluni. Tamatuma saniatigut qulimiguulinnik tunisisoqassaaq, tamannalu aserfallatsaaliinerup annikinnerulerneranik aamma kinguneqassalluni. 

Allaaserisaq tamaat Sermitsiami uani sapaatip akunnerani saqqummertumi atuaruk, ullumi pisiniarfinni pisiarineqarsinnaalerpoq. Aviisi uani aamma pisiarisinnaavat:

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER