Skip to main content

Air Greenland suli amigartooruteqarpoq

Air Greenland 2021-mi ukiup affaani siullermi -14,1 milliuunit koruuninik amigartooruteqarpoq. Suliffeqarfik ukioq 2021 naappat sinneqartoornissamik naatsorsuuteqarpoq.

Air Greenlandip coronap tunillaassuunnera suli malugilluarsinnaavaa, killilersuuteqartoqarpormi angalasullu ikinnerullutik.

Air Greenland tusagassiorfinnut nalunaaruteqarluni taama allappoq.

Tuniluuttoqarnerata killilersuisoqartarneratalu kingunerisaanik Air Greenland ukiup affaani siullermi amigartooruteqarpoq. Air Greenlandip suliffeqarfissuartut akileraarutit
ilanngaatiginnginnerini -14,1 milliuunit koruunit angusarai. Angusaq ukiup siulianut piffissami tassanngaannit pitsanngoriarfiugaluarpoq. Siornami piffissap taamaasinerani Air Greenland -30,5 milliuunit koruuninik amigartooruteqarpoq.

Amigartoorut annikinnerutinniarlugu akit qaffanneqartut

Air Greenlandip Covid-19 tunngavigalugu ukiumut angusassatut ukiortaamit appartissimagaluarai, taamaattoq angusat naatsorsuutinit annikinnerupput.

- Ukiup affaani siullermi nappaassuup atuunnerani angalasunut killilersuutit nassataanik angalasut pisarnermiit ikinnerujussuunerat unammillernartoqarsimaqaaq – ingammik Atlantikoq qulaallugu timmisartuussivinni. Annaasaqaatillu annikillisarniarlugit sapinngisarput tamaat aningaasartuutikillisaaniarsimavugut, tamatumalu malitsigaanik akinik qaffaasariaqarsimalluta, pisortaq Jacob Nitter Sørensen oqarpoq.

Suliffeqarfissuaq ukiuni tallimani kingullerni aatsaat taama ikitsigisunik majimi soraarsitsiortoreernerup kingorna sulisoqalerpoq, siornamit 100-nik ikinnerullutik maannakkut 544-gamik. Siunissarli qaamanerusoq pisortaq isumaqarpoq.

- Ukiulli sinnera isumalluarfigineruarput, akiuussusersuinerup annertusiartornera malillugu angalasoqarnerulernissaa naatsorsuutigigatsigu, oqarpoq.

Angalasut amerlanerulerpata akit appaqqinneqassasut, pisortaq oqarpoq.

Ukioq manna sinneqartoornissaq naatsorsuutigaa

Suliffeqarfiup junip naanerani angusai amigartooruteqarfiugaluartut, taamaattoq Air Greenland ukiup naanerani sinneqartoornissamik naatsorsuuteqarpoq.

- Naak Covid-19 pissutaalluni ukiup affaani siullermi timmisartuussineq annikinnerugaluartoq, Air Greenlandip naatsorsuutigaa ukioq manna angusat 60-80 milliuunit koruuniussasut. 2021-mut angusassatut naatsorsuutit ilimagisamit annertunerungaarput, Air Greenland allappoq. Ukioq 2021 akileraarutit sioqqullugit 30-40 milliuunit koruuninik sinneqartooruteqarfiussasoq Air Greenlandimit missingersuunneqarsimavoq.

Angalasoqarnerulernera akiuussutissalersuisoqalerneralu pissutaallutik naatsorsuutit qaffanneqarput.

Aningaasaatit tigoriaannaat 2021-mi juunip naanerani 504 milliuunit koruuniupput, 2020-p naaneranut sanilliullugu 314,1 milliuunit koruuninik amerlanerullutik. Akiliisinnaassuseqarnissamut uninngasuutit qaffariarnerinut peqqutaavoq timmisartuutit taarsersornerinut taarsigassarsineq aammalu qulimiguullit nutaat aningaasaliiffigeriikkat qaammatit arfinillit tikillugit kinguaattoorneri, Air Greenland ilisimatitsivoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER