Skip to main content

Air Greenland SAR pillugu isumaqatigiissusiortoq

SAR-imik suliaqartussatut neqeroornermi isumaqatigiissusiortussatut Air Greenland ajugaavoq.

Isumaqatigiissut, timmisartuutileqatigiiffimmut tunniunneqartoq 2019-imiit 2020-mut atuutissaaq.

- Nutaarsiassaq nuannerluinnarpoq. 2019-imi aamma 2020-mi SAR-imut upalungaarsimaneq ullumikkutut suliarineqassaaq. Issittumi SAR-imut upalungaarsimaneq pitsaalluinnartuuvoq, Kalaallit Nunaanni ukiorpassuit misilittakkat malillugit ineriartortinneqarsimasoq. Taamaattumik timmisartortartut, amooruserisartut mekanikerillu sulisugut, ulluinnarni SAR-imik suliaqarnerup pitsaassusianik qulakkeerisartut nersualaarujussuarpagut, pisortaaneq Jacob Nitter Sørensen tusagassiutinut nalunaarummi oqaaseqartoq allaatigineqarpoq.

Ullumikkut SAR-imik suliaqarnermi qulimiguulik S61, Kangerlussuarmit aallaaveqartoq aamma Bell 212, Qaqortumit aallaaveqartoq atorneqarput. Air Greenland suliassanut timmisartortartunik mekanikerinik amoorutilerisunillu atorfeqartitaqarpoq.

- Ingerlatsivittut niuerfik uatsinnut pingaaruteqartorujussuuvoq. SAR-imut sullissinitsinni sulisugut suliassanut piginnaanngorsagaapput, aammalu isumaqatigiissutip pissarsiarineratigut taakku pigiinnarnissaat niuerfiullu ineriartortinneqarnerata ingerlaannarnissaa angusinnaalerparput, Jacob Nitter Sørensen paasissutissiivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER