Air Greenland qulimiguulinnik, ujaasinermi annaassiniarnermilu atorneqartussanik, nutaanik pisiaqartoq
Qulimiguullit nutaanngitsut, S-61, qulimiguulinnik, Airbus H225, nutaanik marlunnik taarserneqassapput
Air Greenland qulimiguulinnik marlunnik nutaanik, ujaasinermi annaassiniarnermilu atorneqartussanik pisiaqarpoq, taakku 2020-mi aasakkut tunniunneqassapput. Qulimiguullit nutaajunerpaanik atortorissaaruteqarput, issittumi ajornerpaamillu pisorqarnerani, ullumikkut qulimiguullit pisinnaasaannit annertunerusumik pisinnaasaqartunik.
- Qulimiguullit taakku nutaat atorlugit ukioq kaajallallugu patajaattumik annaassiniartoqarsinnaanngussaaq. Upalungaarsimanitta siunissami qularnaannerulernissaanut, sukkanerusunngortinnissaanut pitsaanerulersinneqarnissaanullu aningaasaliineruvoq, Air Greenlandmi pisortaaneq Jacob Nitter Sørensen oqarpoq.
Silarlunnerusumi timmisinnaasut
Qulimiguullit motoorinik sakkortunerujussuarnik aamma autopilotimik, annaassiniarnerni ajornarnerusuni isumannaatsumik ingerlatsinissamut tapertaalluartussanik atortoqarput. Ungasinnerusumut angalasinnaapput aamma sermiiaatitaqarput, sermernartumi angalasinnaanermut periarfissiisunik.
- Aallajaarnerusalissaagut aamma qangamut sanilliullugu ajornerusumik atugassaqartitsisumi timmisinnaalissaagut, taamaalilluta ajornartorsiortut sukkanerusumik tikissinnaalissavavut, Jacob Nitter Sørensen erseqqissaavoq.
Piareersimanissamut aningaasaliissutit
Qulimiguulinnik marlunnik, Airbus H225, pisiaqarneq, danskit naalagaaffiat Search & Rescue beredskabetsimi siunissami suleqatissaminik toqqaappat, sapinngisamik pitsaanerpaamik ajunngitsumik inissisimanissap piareersimaffigineqarnissaanut aningaasaliineruvoq.
- Inuiaqatigiinni suliassaavoq pingaarutilik pitsanngorsaaffigerusutarput. Sulisuvut timmisartortartuvullu nunamik, kangerlunnik silallu pissusaanik ilisimasaqarluarput. Taamaammat uagut tassaavugut suliassamik kivitsisinnaasut, Jacok Nitter Sørensen isumaqarpoq.
Jacob Nitter Sørensenip apersorneqarnera atuaruk: Ulloq oqaluttuarisaanermi pingaaruteqarluinnartuuvoq
Air Greenland Kalaallit Nunaata eqqaani Kalaallillu Nunaanni 1965-imili ujaasillunilu annaassiniartarsimavoq.