Air Greenland maanna silamit uumisaarneqarpoq
Air Greenland ulluni makkunani angalasussanik piffissaq eqqorlugu angalatitsiniaalluni ilungersuleruttorpoq. Ataasinngormat teknik akornutaavoq, maannalu sila aamma akornutaalerpoq.
Annonse
Timmisartorsuaq Airbus Københavnimiit Kangerlussuarmut aallanngittuuippoq, teknikkimik akornuteqarneq pissutigalugu, tamannali ataasinngornerup ingerlanerani iluarsiivigineqarpoq.
Danmarkimiit timmisartoq kinguaattoortoq
Timmisartoq Danmarkimiit nalunaaqutaq 11:40 aallarpoq, Kangerlussuarmulli kinguaattuungaatsiarluni ualikkut 13:03 tikilluni.
Unnuami ullaap tungaanilu nittaalarujussuarnerata kingunerisaanik nunap iluani timmisartuussinissaagaluit arlallit taamaatiinnarneqartariaqarsimapput.
Paasisaqarfissaq piffissaq nutaaq
Timmisartuutileqatigiiffiup nittartakkamini ilisimatitsissutisaa angallannissamut pilersaarutit nutaat pillugit ualikkut nalunaaqutaq marlunut ilisimatitsisoqarumaartoq.