Air Greenland juunimi angalanissanut bilitsinik utertitsisinnaavoq
Air Greenlandip qanittukkut nalunaarutigaa, Danmarkimut Danmarkimiillu bilitsit allanngortinneqarsinnaanngitsut utertinneqarsinnaanngortut. Tamanna juunip 15-iata tungaanut sivitsorneqarpoq, tassa ammaaqqinnermi immikkoortoq siulleq aallartinneqarpat.
- Juunip aallaqqaataata 15-atalu akornanni angalanissamut bilitsisereersimaguit, angalanissat akeqanngitsumik ullormut allamut nuussinnaavat, imaluunniit nittartakkatsini immersugassaq immersorlugu bilitsivit akia utertissinnaavat, UGGUUNA
Sir Greenlandimit taamatut nalunaaruteqartoqarpoq, Naalakkersuisut ullumi saqqummiummassuoq, juunip 15-iani angalasunik nunamut isertoqaqqissinnaalissasoq.
- Piffissami tassani angalanissamut tunngatillugu siusinnerusukkut attavigisimagutsigut, attavigeqqissanngilatsigut, sapinngisarput malillugu saaffiginnissutit tamaasa piaarnerpaamik suliarisatatsigit, Air Greenland allappoq.
Kalaallit Nunaannut angalanissamut inerteqqut, piffissami juunip aallaqqaataaniit 15-at ilanngullugu suli atuuppoq, angalasussallu tamarmik Oqartussanit akuerineqaqqaassapput. Tamanna aamma atuuppoq juunip aallaqqaataata 15-iatalu akornanni angalanissamut bilitsisereersimaguit, timmisartuutileqatigiiffik ilisimatitsivoq.
Aangalanissamut qanoq qinnuteqarsinnaanerit nun.gl-imi paasisaqarfiginerusinnaavat