Air Greenland Disko Linelu: Ima annertutigisunik akikilliliissaagut

Air Greenland Disko Linelu Naalakkersuisut kingullertigut ikiorsiissutaannit taperserneqareerlutik, sullitaminnut akikilliliinissamut piareersimapput.

Kronprinsfamilien i Grønland, Air Greenland, Nuuk Lufthavn

Naalakkersuisut ikiorsiissutaat nutaat malillugit, Disko Linemut ilaaniartut tamarmik aggustusip septemberillu qaammataanni bilitsissaat 35 procentimik akikillineqarsinnaapput.

Neqeroorut nunap immikkoortuini tamani atuuppoq aamma umiarsuarmut qulimiguulimmullu ilaallutik angalaniartunut, Disko Linemi pisortaq Noëlle Simoud tusagassiorfinnut nalunaaruteqarnermi ilisimatitsivoq.

Taassuma oqaatigaa, ingerlatseqatigiiffiup nalunngikka ilaaniartorpassuit bilitsissaminnik pisereersimasut.

Angalasoqarnerulernissaa neriuutigineqartoq

Ingerlatseqatigiiffimmit neriuutigineqarpoq, neqeroorut illoqarfiit nunaqarfiillu akornanni angalasoqarnerulerneranik suliassaqartitsinerulernermillu nassataqassasoq:

- Disko Linemit tassunga atatillugu aamma neriuutigineqarpoq, sapaatip akunnerisa naaneranni angalasoqarsinnaalissasoq, ilaquttanut tikeraartoqarsinnaalissasoq, atualeqqaarnermi peqataajartortoqarsinnaalissasoq il. il., Nuëlle Simoud oqarpoq.

Disko Linep akigititassai:

Ilulissat – Qeqertarsuaq inersimasumut akigitinneqarsimasoq: 755DKK maanna: 503DKK

Qaqortoq – Nanortalik targami inersimasumut akigitinneqarsimasoq: 865DKK maanna: 574,50DKK

Nuuk - Kapisillit inersimasumut akigitinneqarsimasoq: 535DKK maanna: 360DKK

Maniitsoq – Atammik voksenbillet akigitinneqarsimasoq: 535DKK maanna: 360DKK

Sisimiut – Itilleq inersimasumut akigitinneqarsimasoq: 335DKK maanna: 269DKK

Meeqqat utoqqaallu 50%-imik kiisalu meeraaqqat marluk inorlugit ukiullit 100%-imik akikillisaaffigineqarput.

Air Greenland aamma akikilliliivoq

Timmisartuutileqatigiiffik Air Greenland aamma sullitaminut akikilliivoq.

Air Greenland Club Timmisami ilaasortaminut mailikkut allappoq, Naalakkersuisut tapiissuteqarnerisigut nunami Takussimut akit appasissorujussuit maanna neqeroorutigineqartut.

Air Greenlandimi neqeroorutit juulip 29-aniit aggustusip sisamaanut atuutissapput, angalanissallu aggustusip sisamaaniit septemberip 30-ata tungaanut ingerlanneqassallutik.

Air Greenlandip akigititassai
Powered by Labrador CMS