Skip to main content

Air Greenland annertuumik aningaasaliisussaasoq

Ukiut tulliuttut sisamat ingerlaneranni Air Greenlandip timmisartumi ilarparujussui nutartertussaavai, aningaasaliissutillu katillugit annertuupilussuussapput 1 millard koruunit missaaniillutik.

Marlunngornermi kingullermi Air Greenlandip ukiumut 2018-imut
naatsorsuutini naammaginartumik 80 million koruunit missaannik inerneqartut naammassivai. Angusat pitsaasut anguneqarput naak sila ingerlatseqatigiiffimmut ilungersunarsimagaluartoq, 2018-inillu aallartinnerani timmisartoq Airbus arlaleriarluni teknikkikkut ajornartorsiortitsisimagaluartoq.

Aviisi Sermitsiaq taama allappoq.

Timmisartuutileqatigiit annertuumik aningaasaliisussaapput taamaattumik aningaasaateqalaarnissaq pisariaqarluinnarluni.

Pisortaanerup Jacob Nitter Sørensenip Sermitsiamut oqaatigaa aningaasaliinissamut pilersaarusiornermi apeqqutaajumaartoq isumaqatigiissutini nutaani assigiinngitsuni nutartigassani piumasaqaatit suunersut.

- Aningaasaliinerupput piffissami sivisuumi nalikillilerneqartartussat. Tamanna peqqutigalugu isertitaqarnissamik qulakkeerneqarnissarput pisariaqarpoq. Timmisartut ilaat isumaqatigiissummi allassimatillugit soorunami atortussanut nutaanut aningaasaliinitsinni nalorninartut annikinnerpaatittariaqarpavut, Jacob Nitter Sørensen aviisimut Sermitsiamut oqarpoq.

Air Greenlandip aningaasaliinissai, timmisartorlu ambulancetut atorneqartoq taarserneqarnissaa pillugit aviisimi Sermitsiami atuarnerusinnaavutit. Aviisi uani ataani pissarsiarisinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER