Skip to main content

Air Greenland aningaasaliiffigisassaminik unitsitsigallartoq

Timmisartuutileqatigiiffik ajornartorsiortoqarnerani aningaasartuutiminik ikilisaaniarluni sulissuteqarpoq, Airbusimillu nutaamik pissarsiniarnermut tamanna sunniuteqarsinnaalluni.

Air Greenland coronap ajornartorsiutaanerani isertitatigut annaasaqarnissamut piareersimalluartoq, ingerlatseqatigiiffimmi siulersuisut siulittaasua Kjeld Zacho Jørgensen isumaqarpoq.

Ajornartorsiortoqarneranili timmisartuutileqatigiiffik annaasassaminik annikillisaaniarluni pingaarnersiuisariaqarpoq:

- Aningaasaliiffiginiarlugit isumaqatigiissuteqarfigineqarsimanngitsut unitsikkallarneqarput, siulersuisuni siulittaasoq, ingerlatseqatigiiffiup aningaasartuutissatut pinngitsoorneqarsinnaasunik tamanik tunuarsimaaruteqalersimaneranik oqaluttuartoq ilisimatitsivoq.

Airbusimi sulisut aamma angerlartinneqarsimasut

Ai Greenlandip aningaasaliiffiginiagaasa annersaat eqqarsaatigissagalugu – Airbus nutaaq –Air Greenlandimit Frankrigemi timmisartuliorfik oqaloqatigineqarpoq:

- Airbusip suliarineqarnera uninngavoq, sulisut angerlartinneqarsimanerat pissutigalugu, taamaammat tamatta assigiimmik inissisimavugut, Kjeld Zacho Jørgensen oqarpoq.

Taassuma itisiliilluni oqaatigaa, ajornartorsiutaasoq qaangiuppat timmisartoq nutaaq pillugu suleqatigiinnerup ingerlaqqinnissaa pillugu oqaloqatigiittoqartoq:

- Norsaq ajornartorsiortoqarneranit nutaanerulernavianngilaq. Ajornartorsiortoqarnera pissutigalugu taakku uagulluunniit suleriaqqinnissarput imaassinnaavoq kinguartinneqartoq. Tamannali piffissaq nallerpat paasinarsissaaq, Kjeld Zacho Jørgensen oqarpoq.

Ajornartoornermi upalungaarsimanerup suliffeqarfik ingerlatissinnaavaa

Siulersuisuni siulittaasoq naapertorlugu, timmisartuutileqatigiiffiup maannakkorpiaq unammilligassaasaannersaat allat tamarmik unammilligassaannut assiguvoq:

- Tassa pisoq manna qanoq sivisutigisumik atuutissava? Inuiaqatigiit qanoq sivisutigisumik matoqqassappat? Taakku arlaannaataluunniit eqqortumik akisinnaanngilai, Kjeld Zacho Jørgensen oqarpoq.

Sapaatip akunneranili matumani arfininngornerup unnuaani timmisartuussisarnerit unitsinneqarpata, Air Greenlandip ingerlatai tamarmik unitsinneqassanngillat. Sulimi ajornartoornermi upalungaarsimani timmisartuutileqatigiiffik suliassaqassaaq:

- Tassunga atatillugu naammassineqartussanik suliassarpaaloqartussaavoq. Oqartussalli qanoq iliuuseqarnissatsinnik oqariartuutiginiagaat apeqqutaalluinnarput, Kjeld Zacho Jørgensen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER