Skip to main content

Air Greenland 90 millionit koruuninik sinneqartooruteqarpoq

Siulersuisut ukiumi angusat naammagisimaarnartutut isumaqarfigaat

Suliffissuaq Air Greenland 2015-mi akileraannginnermi 90,3 millionit koruuninik sinneqartooruteqarpoq.

Sinneqartoorutit taamaalillutik 2014-imit 9,6 millionit koruuninik amerlanerupput, tassani 80,7 millionit koruunit sinneqartoorutaammata.

Akileraareernermi 2015-imi inernera 60 millionit koruuniuvoq, 7,3 millionit koruuninik ukiup siulianut sanilliullugu qaffariaat.

Ukiut siuliini Nunatsinni niuerfiup kinguariartorfiunerata kingunerisaanik, Air Greenland takornariartornerup ineriartortinneqarnissaanik aallutaqarniarluni aalajangerpoq, tamannalu 2015-imi angusaqarfigilluarpaa, timmisartortitseqatigiiffik naqissusiivoq.

Annertuseriarneq
2015-imi piffissami angallaviunerpaasumi ingerlatseqatigiiffiup suliai annertusipput, ilaasartullu procentinik qulingiluanik amerleriarlutik, ukiorlu 2015 ingerlatseqatigiiffiup ilaasoqarnerpaaffigaa. Taamatuttaaq ingerlatseqatigiiffiup piffissami angallaffiunerpaanngitsumi suliat amerlinerannik misigisaqarnera 2015-ip immik
koorutigaa.

Atuaruk: Takornariat aatsaat taama amerlatigisut

Timmisartut naleqqussarneqartut
2015-imi oktobarimi nunap iluani timmisartut suluusallit naleqqussarneqarnerat naammassineqarpoq, ullumikkullu Dash 8-t arfineq marluk pigineqarput. 
Timmisartunik nutarterineq ingerlatseqatigiiffiup unammillersinnaassusiata ingerlaannarnissaanik qulakkeeriniarnermi alloriarneruvoq annertooq, Dash 8-t nutaanerusut ikummatissamik atuineq timmisartunillu aserfallatsaaliuineq eqqarsaatigalugit ingerlatsinermi akikinnerummata. 

Tamatuma saniatigut timmisartut sukkanerupput, taamaattumillu angallannermik naammassinnittarnermut pitsanngueqataallutik.

Pitsanngorsaanerit
- Tassalu timmisartuutinik ineriartortitsineq ingerlatseqatigiiffiup pitsanngorsaaneranut, aammattaaq aningaasartuutitsinnik ikilisaanertut taaneqarsinnaasumut ilaavoq. Kalaallit Nunaanni attaveqaatit nutaat Air Greenlandimi annertuumik allannguinermik kinguneqartussaapput, taamaattumillu Air Greenlandip piffissaagallartillugu mittarfinnut unammilleqatigiinnermullu sakkortunerulersussamut piareersarnissaa pingaaruteqarpoq, suliffeqarfiup namminersorlutik oqartusanit ilaatigut pigineqartup aqutsisui taama naqissusiipput.

Kaaviaartitat annertusisut
Suliffissuup kaaviiaartitai 53 millionit koruuninik amerlillutik 1.226 millionit koruuninngorput. Air Greenland naammagisimaarnartunik angusaqarpoq, siulersuisunilu maluginiarparput, takornariaqarnermi suliniutit kinguneqarluarsimasut, siulersuisunut siulittaasoq, Jens Wittrup Willumsen, tusagassiuutinut nalunaarummi oqarpoq.

Atuaruk: Takornarianik pissarsiniarluni suliniut nutaaq

Tamatuma peqatigisaanik piginneqatigiiffiutivut aamma angusaqarluarput, tamannalu avataani niuerfiit amerliartornerinik peqquteqartutut oqaatigineqarsinnaavoq. Ineriartorneq Air Greenlandimuinnaanngitsoq, aammali takornariaqarnermut, ukiuni tulliuttuni aallussinitsinnik ingerlatsivigiinnagassatsinnut pingaaruteqarpoq, siulittaasoq erseqqissaavoq.

Timmisartortitseqatigiiffiup saniatigut Air Greenland suliffeqarfissuarmut Hotel Arctic, Nunatta Angalatitsivia, kiisalu Arctic Umiaq Linep 50 procentianik ilaqarpoq.

Air Greenlandip suliniuteqarnermini takornariaqarnerup annertusiartornera aallutiinnassavaa aammalu ukioq manna piffissami angallaviunerpaasumi issiaviit 16 procentinik amerlanerusut tunineqarnissaat siunnerfigaa.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER