Agathe: Atornerluineq qanoq iliuuseqarfigineqassava?
Inuit atornerluinermik ajornartorsiutillit katsorsarneqartarnerat eqqarsaatigalugu naalakkersuisut qanoq ittumik takorluugaqarnerat Peqqissutsimut naalakkersuisuusimasumit Agathe Fontainimit apeqqutigineqarpoq
Atornerluinermik ajornartorsiutillit katsorsarneqartarnerannut neqeroorutit pineqartillugit Naalakkersuisut sunik takorluugaqarnerat Peqqissutsimut naalakkersuisuusimasup Agathe Fontainip, IA, maanna naalakkersuisunngortumut Martha Lund Olsenimut erseqqissaqquaa.
Taanna apeqquteqarpoq, naalakkersuisooqatigiinnissamik isumaqatigiissummi allassimasut tigussaanngippallaarmata. Tassani taamaallaat allassimavoq "Inuunerluutit pillugit ajornartorsiuteqartut katsorsarneqartarnerat pisariitsumik aaqqiivigineqassapput”.
- Ullumikkut imigassamik ikiaroornartumillu katsorsaasarnerit kommunit suleqatigalugit katsorsaasussat ornigutsillugit pisarpoq. Taassuminnga allaanerusumik siunertaasoqarpa? Agathe Fontain aperaaq.
Læs også: Politimester: Misbruget er vores største udfordring
Taanna ilanngullugu oqarpoq, inuunerlunneq assigiinngitsorpassuarnik ingerlanneqarsinnaasoq. Naalakkersuisut inuunerluutit sorpiaat eqqarsaatigaat isumaqatigiissumminni? Naalakkersuisut imigassamik ikiaroornartumillu katsorsaasarneq siunissami qanoq ittoq takorloorpaat.
Politimester Bjørn Bayip aviisimi AG-mi apersorneqarnera aamma atuaruk