AG timmisartukkut ajornartorsiuteqartoqarnera pissutigalugu kinguaattoorpoq
Aviisi AG pingasunngornikkut nalinginnaasumik saqqummersartoq kinguaattoorpoq
AG sisamanngorpat aatsaat pisartagalinnut agguaanneqassaaq. Tamatumunnga pissutaavoq Greenland Atlantflyp teknikkikkut ajornartorsiuteqarsimanera.
Taamatuttaaq teknikkikkut ajornartorsiuteqarneranik pissuteqartumik Nuuk Ugeavisi aamma kinguaattoorpoq.
Aviisi marlunngormat timmisartumut ilaatinneqarsimanngilat, tassa Air Greenlandi timmisartumik mikinerusumik, aviisinut marlunnut taakkununnga inissaqartitsinngitsumik atugaqarsimammat.
Ullumikkullu pingasunngornermi Danmarkimit timmisartoqartussaanngilaq. Taamaammat Nuuk Ugeavisi sisamanngorpat ualikkut unnukkulluunniit aatsaat Nuummut apuunneqassaaq, apeqqutaalluni Air Greenland aviisimut qaqagu inissaqartitsilissanersoq. Aviisi takkunniariarpat agguaatissavarput, imaassinnaavoq aatsaat tallimanngorpat tamanna pisinnaasoq.
Aviisi digitaliusoq atuaruk
Pisartagaqartuuguit aviisit digitaliusut utaqqiiisaa atuarsinnaavatit.
Ugeavisi digitaliusoq ugguuna iserfigisinnaavati
Boksi ataaniittoq tooruk AG-mullu iserlutit